Deporte

Escolas deportivas

Ao longo de todo o ano, o Concello de Dumbría ofréceche unha ampla variedade de actividades de carácter deportivo para que elixas a que mellor se adapte ás túas necesidades e horarios. Goza do deporte durante os 365 días do ano.

Ximnasia de mantemento, zumba, fútbol, voleibol, ciclismo, piragüismo e actividades dirixidas Dumbría-DAFIT son as propostas deportivas que ofrece o concello.

En canto ás instalacións deportivas, o Concello de Dumbría conta co Polideportivo Municipal do Conco en Dumbría, o Campo de Slalom Olímpico do Couquiño en Olveira, o Ximnasio Municipal de Olveira, a Pista de Pádel do Ézaro, as Pistas Polideportivas descubertas nas parroquias do concello e de forma eventual, nos meses de xullo e agosto a praia do Ézaro dispón de 3 campos de volei praia.

Ademais, o Concello de Dumbría dispón de escolas deportivas de fútbol, voleibol, ciclismo e piragüismo para que non haxa excusa á hora de practicar deporte na Costa da Morte!

Piscina

A piscina municipal está situada no Conco, Dumbría, e está a disposición da veciñanza durante os meses de verán no seguinte horario:

De luns a sábado: de 16:00 a 20:00h

Ximnasios

O Concello de Dumbría conta con 2 ximnasios, un emprazado na Casa de Cultura de Olveira e outro nas Instalacións Deportivas do Conco, en Dumbría.

Horarios verán 2023:

XIMNASIO OLVEIRA:
- Luns 10:00-14:00h
- Martes a venres 18:00-21:00h
XIMNASIO DUMBRÍA:
- Luns 16:00-21:30h
- Martes a venres 10:00-14:00 e 16:00-21:30h

Pádel

A Pista de Pádel do Concello de Dumbría está emprazada no lugar do Ézaro, ao carón da Oficina de Turismo.

No verán de 2023, a Pista de Pádel está aberta todos os días da semana dende as 08:30 ata as 20:00h. O seu uso será libre, sen necesidade de facer reserva previa.

Lembre que o uso adecuado da pista garantirá que poida seguir gozando dela dunha maneira libre, por iso só se permiten xogos de raqueta no interior da pista de pádel, para evitar danar as instalacións.

Coordenadas: 42°54’45.4″N 9°07’26.7″W

#DumbríaéDeporte