25N. Voando xuntas contra a violencia

Con motivo do 25N, Día Internacional para a Eliminación da Violencia contra as Mulleres, o Concello de Dumbría impulsa unha programación que une memoria, educación, deporte e cultura para avanzar cara unha sociedade libre de violencia machista.

É un programa pensado para sumar voces, fortalecer vínculos e construír igualdade dende todas as idades e todos os espazos da vida comunitaria.
Este ano, as bolboretas acompañan o noso 25N. Ademais de ser símbolo de forza, transformación e memoria, lémbrannos ás irmás Mirabal, coñecidas como As Mariposas, cuxo legado continúa inspirando loitas pola liberdade e pola dignidade.

Convidamos á veciñanza a participar nos actos, sumando voces e avanzando xuntas e xuntos cara unha sociedade máis xusta, igualitaria e libre de violencia machista.
Voando xuntas contra a violencia.

PROGRAMA:

• Sábado 22 novembro. 10:15 h. Edificio Bitácora - O Ézaro

  II Xornadas Mulleres, memoria e dignidade. A muller e o traballo

  Un encontro para recuperar a memoria, visibilizar as achegas das mulleres e reflexionar sobre os desafíos no ámbito laboral

  ·

• Luns 24 - mércores 26 novembro. 12:00 h. CEIP Plurilingüe Santa Eulalia de Dumbría

  Obradoiros. Traballarán valores como a igualdade, o respecto, ou a convivencia positiva

  ·

• Martes 25 novembro. 18:00 h. Instalacións municipais do Conco - Dumbría

  Fotografía. Xuntas e Xuntos contra a violencia. Unha invitación aberta á veciñanza para participar

  ·

• Domingo 30 novembro. 18:00 h. Casa Cultural de Olveira

  Teatro. A cincenta que non quería comer perdices. Sarabela Teatro.

  Para todos os públicos. Entrada gratuíta ata completar aforo