O dolmen da Pedra da Arca

O Dolmen de Pedra da Arca tamén se coñece como de Regoelle. Encóntrase no lugar de Regoelle, parroquia de Olveira, e está situado unha metade no termo municipal de  Dumbría e a outra metade en Vimianzo.

Ten forma poligonal cun corredor de entrada orientado ao SE. A cuberta ten unhas dimensións de 4,7 x 3,1 m. Segundo o estudo realizado por un equipo alemán a cuberta foi traída, non se sabe como, do lugar de Brandoñas, situado a un 5.5 km do lugar.

A Pedra da Arca atópase nun bo estado de conservación , conservando boa parte dos ortostatos orixinais. A cámara principal é poligonal e mantén cinco grandes pedras que sosteñen unha gran laxa ovalada. Unha dos ortostatos verticais conserva unha pequela decoración en forma de gravados. O monumento conta mesmo con corredor de acceso que se divide en dous tramos cubertos con senllas laxas.

O dolmen atópase sinalizado e para chegar ata a el é necesario atravesar un bo tramo dunha pista de terra. No Rego dás Touzas poderemos ver unha mostra de arquitectura tradicional en forma dun muíño de auga. Cabe destacar a toponimia do lugar en referencia con este monumento megalítico. Así atopamos nas inmediacións nomees como Pedras do Altar, Casa dá Moura, Pedra da Arca ou Gándara dá Osa.

É o dolmen de maior tamaño e mellor conservado da comarca de Fisterra.

O historiador local Modesto García Quintáns publicou un interesante artigo do dolmen que podedes ler en: http://quepasanacosta.gal/o-modesto-patrimonio-o-dolmen-da-pedra-da-arca/?fbclid=IwAR0fjAzy-ho42ZSR-N5pYYkyFzIzh4S7rndYPN3vbPOYnPzlUa3LGi0lTdQ.

Máis información en: https://www.galiciamaxica.eu/galicia/a-coruna/pedraarca/