Formulario del Concurso

1. OBXECTO

Este concurso ten como principal obxectivo promover e difundir o Concello de Dumbría.

#Dumbríaé simboliza dende o 2011 un movemento de etiquetado social tanto para fotos e vídeos coma para as diferentes áreas nos que o concello desenvolve accións e actividades (#DumbríaéDeporte #DumbríaéTurismo #DumbríaéCultura #DumbríaéNatureza #DumbríaéHistoria #DumbríaEsti #DumbríaéCamiño…).

Son moitas as persoas que dende os inicios do primeiro concurso do #Dumbríaé crean e difunden contidos nos que promoven o noso territorio e actividades e, como en anteriores edicións do concurso, queremos premiar e recoller esas fotografías auténticas e xenuínas que formarán parte do material promocional e divulgativo do noso concello.

2. TEMÁTICA

A temática centrarase en fotografías representativas de Dumbría con diversas temáticas (patrimonio, natureza, festas, actos, eventos, tradicións, deporte, persoas, cultura, Camiño de Santiago, actividades, dos ríos, dos montes, da gastronomía local, da hostalería, etc.), que puideron ser tomadas en calquera época do ano. Poden ser fotografías antigas ou actuais. Poden ser sacadas de día ou de noite.

Buscamos esas espectaculares imaxes que representan o noso concello e coas que chegamos a tantos recunchos de todo o territorio.

3. CONDICIÓNS E REQUISITOS DE PARTICIPACIÓN

Para poder participar, o usuario encher un formulario que se encontra na web do Concello de Dumbría .

- As persoas participarán neste Concurso Fotográfico a través da web do Concello de Dumbría subindo un máximo de 5 fotografías que se encadren nalgunha das temáticas do concurso, acompañadas dun título ou frase que describa a mesma.

• A fotografía deberá ter calidade suficiente para ser imprimida sen diminución da calidade. O arquivo orixinal previo a calquera edición ha de ter un mínimo de resolución de 300x200mm a 300ppp.

• Sen ser esixible, recoméndase o encadre horizontal das imaxes.

• As fotografías poderán presentarse tanto en cor coma en branco e negro.

• As fotografías que non cumpran os requisitos anteriormente esixidos non poderán someterse a votación

• A participación é libre e gratuíta.

• Poderán participar as persoas maiores de 14 anos de idade, sexan ou non do Concello de Dumbría, exceptuando as persoas que formen parte do xurado.

• Cada participante poderá enviar un máximo de 5 fotografías.

• As fotografías non deben estar premiadas en ningún outro certame ou concurso, na data de presentación a este.

• Os participantes serán os responsables da autoría, orixinalidade e contidos das súas fotografías debendo, se así é necesario, contar por escrito cos permisos de cesión de dereitos de imaxe das persoas retratadas.

• As fotografías presentadas e premiadas seguirán sendo propiedade dos seus autores, os cales ceden os dereitos de reprodución, distribución e comunicación pública ao Concello de Dumbría, que as poderá utilizar para promover o concello. O nome do autor figurará na difusión das fotografías; pero non se aceptarán aquelas fotografías que leven sinatura ou algunha outra marca identificativa.

• As fotografías deberán cumprir os requisitos técnicos indicados nas bases.

• Os participantes, polo simple feito de selo, manifestan coñecer e aceptar as bases de participación e as decisións do xurado.

PRAZO

O concurso comezará unha vez publicado na web e/ou nas redes sociais do Concello de Dumbría e rematará ás 23:59 h do 30 de setembro do 2025

PREMIOS

Premiaranse un total de 12 fotos. Cada foto gañadora obterá un premio consistente nun bono de 100 € a consumir nun establecemento hostaleiro/comercial do concello de Dumbría que virá indicado en dito bono.

Cada participante pode optar como máximo a 3 premios.

A entrega de premios realizarase nun acto público no concello de Dumbría.

CRITERIOS DE VALORACIÓN

Resultarán gañadoras deste concurso as 12 fotografías con máis puntuación.

O concurso requirirá para a súa celebración un mínimo de 12 fotografías participantes, en caso de non alcanzalo suspenderase a súa celebración.

A valoración do Xurado, basearase nos criterios de adecuación das imaxes á temática, a creatividade, a orixinalidade, a capacidade para transmitir, a mensaxe e a calidade das mesmas.

XURADO

O Xurado estará composto pola Concelleira de Cultura e Turismo de Dumbría. Tamén formará parte do Xurado o xornalista Santiago Garrido e a comunicadora audiovisual Verónica Ramallal Trevín

O Xurado reservarase o dereito de interpretación das bases do presente concurso e de resolución dos casos non contemplados, de acordo co seu mellor criterio.

O Xurado resérvase o dereito de descartar aquelas imaxes que sexan de mal gusto ou non encaixen dentro da temática proposta, procedendo do mesmo xeito se non reúnen un mínimo de calidade.

Os membros do Xurado non poderán participar no Concurso.

O veredicto do Xurado farase público unha vez que remate a edición do Concurso e publicarase o resultado nas redes sociais e/ou web do Concello de Dumbría.

PROTECCIÓN DE DATOS

1. Responsable do tratamento dos seus datos

O responsable do tratamento dos seus datos é o Concello de Dumbría con enderezo en Estrada da Coruña s/n, Dumbría 15151 (A Coruña).

Contacto Delegado de Protección de Datos: dpd@dumbria.es

2. En que actividade de tratamento están incluídos os meus datos persoais e con que fins se tratarán?

Os seus datos serán tratados para xestionar a súa participación no CONCURSO #DUMBRÍAÉ. EDICIÓN 2025 e, en cumprimento do establecido polo Regulamento (UE) 2016/679 de Protección de Datos Persoais (RGPD), serán tratados para as seguintes finalidades:

-Xestión da inscrición, verificación e selección de fotografías, así como autorizacións de utilización de imaxes.

3. Cal é a lexitimación na cal se basea a licitude do tratamento?

A lexitimación para tratar os seus datos persoais baséase no art. 6.1 a) do RXPD: “o interesado deu o seu consentimento para o tratamento dos seus datos persoais para un ou varios fins específicos”.

4. Como exercer os seus dereitos? Cales son os seus dereitos cando nos facilita os seus datos?

Pode exercitar, se o desexa, os dereitos de acceso, rectificación e supresión de datos, así como solicitar que se limite o tratamento dos seus datos persoais, opoñerse ao mesmo, solicitar no seu caso a portabilidade dos seus datos, así como a non ser obxecto dunha decisión individual baseada unicamente no tratamento automatizado, incluída a elaboración de perfís.

Segundo a Lei 39/2015, o RGPD e a lei Orgánica 3/2018, pode exercitar os seus dereitos por Rexistro Electrónico do Concello de Dumbría, no Rexistro Presencial no enderezo arriba indicado, ou nos lugares e formas previstos no artigo 16.4 da Lei 39/2015, preferentemente mediante o formulario de solicitude “Exercicio de dereitos en materia de protección de datos persoais”.

5. Tratamentos que inclúen decisións automatizadas, incluída a elaboración de perfís, con efectos xurídicos ou relevantes.

Non se realizan.

6. Por canto tempo conservaremos os seus datos persoais?

Os datos manteranse durante o tempo que sexa necesario para cumprir coa finalidade para a que se solicitaron así como o período no que puidesen derivarse responsabilidades xurídicas. Así mesmo, deberán conservarse durante os períodos establecidos na normativa de arquivos e patrimonio documental do Concello de Dumbría.

7. A que destinatarios se comunicarán os seus datos?

Os seus datos poderán ser comunicados nas RRSS oficiais do Concello (o que pode supoñer unha transferencia internacional de datos) así coma na web institucional do Concello, en prensa e nas publicacións dirixidas a promover o concello e os seus recursos.

En caso de requirimento: Forzas e Corpos de Seguridade das estado/Autoridades Xudiciais.

8. Dereito a retirar o consentimento prestado para o tratamento en calquera momento.

Cando o tratamento estea baseado no consentimento explícito, ten dereito a retirar o consentimento en calquera momento, sen que iso afecte á licitude do tratamento previo á súa retirada, nin ao cumprimento das obrigas legais aplicables ao responsable.

9. Dereito a presentar unha reclamación #ante a Autoridade de Control.

Ten dereito a presentar unha reclamación ante a Axencia Española de Protección de Datos http://www.aepd.es se non está conforme co tratamento que se fai dos seus datos persoais.

10. Información adicional.

Poden consultar a información adicional e detallada da información e da normativa aplicable en materia de protección de datos na web da Axencia Española de Protección de Datos http://www.aepd.es, así como na política de privacidade do Concello de Dumbría na dirección: https://www.dumbria.com/pol%C3%ADtica-de-privacidade

PARTICIPACIÓN DE USUARIOS E RESERVA DE DEREITOS

O Concello de Dumbría resérvase o dereito a descualificar a calquera participante se existe calquera sospeita de uso fraudulento das ferramentas e na forma de participar no concurso. Por este motivo, poderanse tomar as medidas oportunas tales como, bloquear usuarios, descualificar contidos ou usuarios, ou calquera outra acción que se estime oportuna. A través desta ferramenta, o Organizador poderá saber, ao finalizar o período de participación, se o participante incorreu en prácticas fraudulentas co fin de obter máis votos. Se o valor do Índice de Fraude da súa participación é igual ou superior ao 100%, o Organizador resérvase o dereito de descualificar o participante e declarar nula a súa participación.

O Concello de Dumbría resérvase o dereito de modificación e borrado de calquera contido duplicado, erróneo, que se considere fora de contexto ou calquera outro criterio que crea adecuado.

O Concello de Dumbría resérvase o dereito de suspender ou eliminar aquelas achegas ou comentarios que incumpran estas condicións. A presentación de traballos neste concurso supón a aceptación íntegra das presentes bases. O incumprimento dalgún dos seus apartados levarían implícita a exclusión do concurso da obra presentada. Se as bases fosen modificadas a criterio da organización, comunicaríaselles oportunamente a todas as persoas interesadas.

Dereitos sobre as fotografías

Todas as persoas que participan no concurso declaran que son autores, e titulares dos dereitos de explotación, das fotografías enviadas a concurso, e ceden de forma gratuíta ao Concello de Dumbría todos os dereitos de difusión, distribución, comunicación pública, reprodución e explotación das fotografías enviadas a concurso, de maneira que o concello de Dumbría poida reproducilas e comunicalas pública e gratuitamente. Na súa publicación, o Concello de Dumbría, sinalará unicamente o nome e apelido da persoa participante, sen condicionamento algún e sen que iso supoña o pago de contraprestación ningunha á persoa participante. A eses efectos, os participantes dan o seu consentimento ao Concello de Dumbría para que tanto cada fotografía como o nome do seu autor aparezan en calquera material informativo e promocional, xa sexa impreso ou dixital, prensa e en Redes Sociais. Cada participante faise responsable de calquera reclamación que poida derivarse da utilización do material fotográfico ao que se refire a cesión recollida neste documento e da totalidade das consecuencias de calquera eventual reclamación que se formule contra o Concello de Dumbría pola utilización das fotografías enviadas a concurso, incluídas sen ánimo exhaustivo non só as de quen pretenda ostentar dereitos sobre a obra senón tamén as reclamacións que se formulen por terceiros cuxa imaxe poida aparecer nas fotografías, comprometéndose cada participante para manter indemne ao Concello de Dumbría de calquera reclamación derivada da utilización das referidas fotografías, así como das consecuencias da mesma.

Garantías do participante

Coa aceptación destas bases a persoa participante manifesta e garante ser o autor material das fotografías, que son orixinais e que non as plaxiou ou usurpou a terceiros. Así mesmo, declara que dispón do consentimento expreso e inequívoco das persoas identificables que aparezan na fotografía coa que participa, así coma de cantos permisos sexan necesarios por parte dos titulares dos dereitos de propiedade intelectual, industrial, imaxe e/o calquera outros sobre a fotografía e/ou sobre os contidos insertos na fotografía ou fotografías coas que participaron no Concurso.

En calquera caso, o autor ou autora das fotografías presentadas a concurso responsabilízase totalmente de calquera reclamación que poida derivarse da utilización do material fotográfico ao que se refire a cesión recollida neste documento e da totalidade das consecuencias de calquera eventual reclamación que se formule contra o Concello de Dumbría e os patrocinadores do Concurso, incluídas as reclamacións que se formulen por terceiros cuxa imaxe poida aparecer nas fotografías.

No caso de aparecer nas fotografías menores de idade, o participante declara expresamente que conta coa autorización do pai, nai ou titor dos menores de idade para que estes poidan aparecer fotografados e as imaxes ser publicadas.

Pola súa banda, o Concello de Dumbría, resérvase o dereito de rexeitar aquelas fotografías que considere que non se cingan á temática do concurso, que atentan contra a legalidade ou que poidan resultar ofensivas para outros usuarios.

Galería de imágenes

Servizo de Asistencia Social de Dumbría
Dina Lijó García
981744001

Servizos do Departamento

Programa de información, orientación e asesoramento:

As áreas de actuación, entre outras, son as que a continuación se relacionan: vellez, minusvalías, familia, infancia e mocidade, muller, dependencia, comunidade ou marxinación social

Programa de Axuda no Fogar e apoio á unidade convivencial:

O servizo de axuda no fogar consiste na oferta dunha serie de atencións no propio domicilio do usuario, destinado a recupera-la autonomía persoal ou familiar, descubrir os propios recursos e participar como cidadáns na vida da comunidade. Este servizo desenvólvese no domicilio do beneficiario, prestando servizos de apoio social e afectivo, doméstico, compañía nos desprazamentos e xestións diversas.

Os obxectivos principais do programa son, entre outros:

• Prevención en situación de crise persoal e social ás persoas que se atopen necesitadas.
• Facilita-la autonomía persoal no medio habitual de vida.
• Evita-los internamentos necesarios.
• Anova-los vínculos do usuario coa familia, os veciños,...
• Participación do usuario como veciño na vida da comunidade.
• Axudar á familia a asumi-las súas responsabilidades cando, por algunha circunstancia, falle a atención ó persoal.
• Facilita-los medios para que os usuarios poidan mellora-la súa calidade de vida.

O programa vai dirixido ás persoas que se atopan nunha situación de desatención social ou familiar: anciáns que viven sós e non poden ser atendidos polos seus familiares, persoas minusválidas para favorecer a súa autonomía, familias con dificultades, desestruturadas,...

Antes de conceder o servizo a calquera veciño do concello que o solicite, téñense en conta unha serie de aspectos para ser beneficiario de dito servizo:

• Que precisen de coidados por grande incapacidade, ou que supoñan sobrecarga nalgún dos seus membros.
• Que carezan de recursos económicos, ou que estes sexan moi limitados.
• Que carezan de familia directa que se poida facer cargo, ou que a familia que teñan residan noutro municipio, o cal lle dificulta facerse cargo deles.
• Non ter dereito a recibir axuda algunha doutro organismo por este concepto.

Programa de Xantar na Casa

O Concello de Dumbría, no ano 2009 asinou un convenio co Consorcio Galego para a prestación do servizo de “xantar na casa”, co cal se continúa na actualidade.

O programa é un servizo de comida a domicilio que pretende facilitar e garantir unha alimentación equilibrada e de calidade adaptada ás necesidades das persoas maiores ou dependentes, que teñen dificultades para cubrir ás súas necesidades básicas relacionadas coa compra ou elaboración de menús.

Os beneficiarios do servizo son persoas maiores que viven soas e con certo nivel de dependencia que non teñen a ninguén que os atenda o suficiente nas actividades da vida diaria.

Programa de teleasistencia domiciliaria

Son beneficiarias deste programa todas aquelas persoas maiores, menores ou con discapacidade que, debido ás súas condicións de saúde ou limitacións persoais, se atopen nunha situación de especial fraxilidade ou vulnerabilidade, que requiran a utilización de dispositivos de alarma e control.

Existen dúas modalidades de acceso: a través da Deputación Provincial para persoas non dependentes e a través do Sistema Galego da Dependencia para persoas dependentes.

Aloxamento alternativo

Conxunto de actuacións que se realizan para conseguir que a persoa en situación de necesidade conte cun marco estable para o desenvolvemento da convivencia: ingreso en residencia, acollemento familiar, centro de día....

Servizo de Atención Temperá:

No ano 2020 así­nase Convenio de Colaboración do Servizo de Atención Temperá entre os Concellos de Camariñas, Carnota, Cee, Corcubión, Dumbría, Fisterra, Mazaricos, Muxía, Vimianzo e Zas.

O programa vai dirixido aos nenos de 0 a 6 anos con transtornos de desenvolvemento ou en situación de risco de padecelos, as familias e ao contorno empadroados nos Concellos citados anteriormente.

O seu obxectivo é dar resposta o antes posible ás necesidades transitorias ou permanentes destes nenos e nenas. A clave é que, canto máis axiña se detecten as posibles dificultades, os resultados da atención profesional poden ser mellores.

Ten dous puntos de atención: un no Concello de Dumbría e outro no Concello de Vimianzo.

Actuacións específicas de prevención e inserción:

Comprende actividades de animación comunitaria abertas a toda a poboación, ademais de promoción de emprego, actividades de ocio,... e actuacións dirixidas á atención a persoas ou grupos que presentan problemáticas definidas de marxinación social.

É de destacar que a información e orientación estivo dirixida a individuos, grupos e comunidades, para informar sobre os dereitos, recursos e accións. Isto eleva considerablemente ós usuarios que acudiron ó servizo.

Programa de saúde e calidade de vida dos maiores de Dumbría:

Dende hai varios anos se veñen realizando actividades para os maiores do concello ó longo de todo o ano para así­, entre outras cousas:

• Favorecer a participación dos maiores na vida comunitaria
• Mantelos nun aceptable estado físico.
• Aumenta-la súa calidade de vida.

Programa de Actividades de Conciliación Vida Laboral e Familiar

Dende hai varios anos se veñen realizando actividades para os nenos e nenas do concello no período de vacacións e ó longo de todo o ano para así­, entre outras cousas, favorecer a participación das mulleres na vida comunitaria, dado que a maior parte desempeñan o seu traballo na agricultura.

Inclúe:

• Actividades para nenos en períodos de vacacións e fóra do horario escolar onde se lles axuda a formarse dunha maneira entretida en aspectos tan importantes como a educación en valores, igualdade de xénero, prevención da violencia, cooperativismo, autoestima..., e ó mesmo tempo inténtase xerar tempo libre ás nais para que así­ poidan invertir na súa promoción persoal, formativa e laboral:
• Actividades lúdico educativas en igualdade: clases de apoio, informática, inglés, manualidades, saídas culturais guiadas, contacontos da igualdade...
• Actividades lúdico deportivas que fomentan o cooperativismo entre sexos: cursos de iniciación ó piragüismo, cursos de ciclismo, actividades acuáticas, xogos de mesa que fomentan a participación do sexo feminino,...

Programa de Dinamización Familiar

O programa de dinamización familiar desenvólvense realización de clases de apoio para a obtención do graduado en educación secundaria dirixido a persoas en situación de vulnerabilidade social, persoas sen recursos e persoas con dificultades no acceso á formación básica.

Casas do Maior do Concello de Dumbría

Dumbría conta con dúas casas do Maior, unha en Ponte Olveira e outra no edificio da Bitácora no Ézaro.

As casas do maior son un servizo gratuíto de atención diúrna a persoas maiores de 60 anos, cun máximo de cinco prazas cada unha para asegurar un coidado personalizado.

O servizo é prestado por profesionais autónomos ou cooperativas de traballo asociado, e localízanse en concellos que non contan con recursos de atención diúrna a maiores.

A Consellería de Política Social financia estos proxectos
Máis información en:
https://politicasocial.xunta.gal/es/areas/mayores-y-dependencia/casas-del-mayor

Colaboración con organizacións privadas

A colaboración con organizacións privadas permítenos mellorar e implementar os servizos prestados á cidadanía.

Galería de imágenes

La página requerida no se ha encontrado.

Ademais do seu gran mito a nivel ciclista, como o é o Gran Fondo Ézaro, Dumbría ten unha gran riqueza para a práctica do ciclismo en montaña ou BTT, con pistas aptas para a práctica deste deporte.

LA VUELTA

Se hai uns anos alguén nos dixera que O Ézaro chegaría a formar parte de La Vuelta ciclista a España, seguramente diríamos que ese alguén está a soñar. Pois ese soño converteuse nunha auténtica realidade en 2012.

Un fito que marcou un antes e un despois en toda a comarca. Un fito que se volveu repetir en 2013 e en 2016, difundindo a nosa terra, a nosa rampla de cemento e a nosa Costa da Morte. E por se tres ocasións non foran dabondo, en 2020 O Ézaro repite en La Vuelta.

Da gusto cando un soña algo bonito, esperta e é capaz de reenganchar ese soño… E se ese soño se converte en realidade, aínda mellor…

VUELTA 2020

🗓 03.11.2020
🚴 Etapa 16
📍 Muros – Mirador Ézaro
📏 33,5 km – contrarreloxo individual

GRAN FONDO ÉZARO

O Gran Fondo Ézaro é unha multitudinaria proba ciclista que ten lugar dentro do incomparable marco da Costa da Morte. Unha paisaxe incrible, uns valores culturais e patrimoniais de primeira orde e un percorrido tan espectacular coma esixente fan desta unha proba única.

O percorrido transcorre a través dos concellos coruñeses de Dumbría, Cee, Muxía, Vimianzo, Muros e Carnota, en plena Costa da Morte, que acompañan ao corredor con fermosas paisaxes e duros ascensos. Para os máis ousados, a ruta longa aproxímase aos 150 km, mentres que os que queiran vivir unha versión máis breve poderán optar pola ruta curta, cuns 80 km.

🗓 Para 2020, a cita está fixada o 5 de xullo.

Ao seu esixente percorrido, cun final no mítico “muro” do Miradoiro do Ézaro, súmase a contorna, os valores que promove a organización e o nome que, cos éxitos cultivados e o aval da UCI, gañou a cita atraendo a deportistas de toda España e do estranxeiro, así como a grandes nomes deste deporte.

🔗 www.granfondoezaro.com

BTT

O Concello de Dumbría é un territorio onde a terra e o mar xogan a mesturarse, dando lugar a zonas de incrible beleza. Unha opción para coñecer este territorio, o territorio vákner, é en bicicleta de montaña por calquera das pistas polas que cada ano ten lugar a BTT Dumbría.

Incluso, hai quen opta por facer o Camiño de Santiago en bicicleta. Unha maneira moi práctica e sustentable de facelo, sobre todo para os apaixonados do ciclismo.

#DumbríaéTurismo #DumbríaéDeporte

Galería de imágenes

Considerado un dos mellores miradoiros de Galicia e non só o dicimos nós… Dende este enclave poderás ver o carácter da costa galega; dende a punta do Cabo Fisterra co seu faro, pasando polas salvaxes Illas Lobeiras, a serpenteante desembocadura do río Ézaro, a grandiosidade do Olimpo Celta – Monte Pindo ata chegar ao encoro de Santa Uxía, que regula o caudal da singular Fervenza do Ézaro. Todo un espectáculo natural que non precisa filtros para gozar da súa panorámica.

Non podemos esquecernos que o Miradoiro do Ézaro estase convertendo na meca de ciclistas. Todo comezou no verán de 2012, sendo este lugar o final da décimo segunda etapa de La Vuelta onde Joquím Rodríguez “Purito” fíxose co título de gañador de etapa cun récord de subida deses últimos 2 km en tan só 6´47´´: insuperable! En 2013, La Vuelta volveu contar con este escenario, formando parte da cuarta etapa con final no Cabo Fisterra.

Pasaron uns poucos anos e en 2016 volveu soar O Ézaro na volta ciclista España, volveu ser final de etapa, da terceira etapa na que Alexandre Geniez conquistou o Miradoiro do Ézaro. 2020 volverá ser ano de La Vuelta… Tocará agardar uns meses para coñecer o gañador desta contrarreloxo infernal!!

Parello a este evento ciclista de índole internacional naceu o Gran Fondo Ézaro, agora enmarcado nas UCI Gran Fondo World Series, unha cita ineludible para os amantes das bicicletas.

E non todo é deporte, lembra que o miradoiro do Ézaro ofrece un espectáculo visual único. Se buscas un lugar onde gozar dunha posta de sol única, este é o teu!

#DumbríaéTurismo #DumbríaéNatureza 

Galería de imágenes

Existe un lugar onde o río se funde co Océano Atlántico, un lugar de lendas, un lugar máxico onde o río se convirte en fervenza para abrazar así a auga salgada do mar.

O río Xallas ou Ézaro determina o carácter do Concello de Dumbría. Atravésao de norte a sur ata desembocar na súa máxima expresión en forma de fervenza directamente sobre o océano; a denominada Fervenza do Ézaro, conformando o único exemplo de desembocadura fluvial deste tipo en Europa.

Antes de converterse en fervenza, o río é retido por catro encoros: A Fervenza, A Ponte Olveira, Castrelo e Santa Uxía. Destacan as pías ou caldeiras que se atopan entre o último encoro e a propia fervenza, que son cavidades naturais construídas ao longo dos séculos polo río.  No último tramo do río ten un desnivel de 155 metros e a altura da fervenza é de 40 metros.

Dende abril de 2011 a Fervenza do Ézaro está constantemente con agua; as 24 horas do día durante os 365 días do ano.

Un espectáculo que paga a pena ver, unha combinación máxica de auga, natureza, luces de cores e música. A comezos de cada ano, o Concello de Dumbría publica o calendario de iluminación da Fervenza na web municipal, nas redes socias e nos medios de comunicación. Confírmase que no verán 2023 hai espectáculo audiovisual.

Así mesmo, dende a web http://www.dumbria.com podes acceder á webcam da Fervenza do Ézaro para poder vela en directo sen moverte da casa!

ILUMINACIÓN FERVENZA DO ÉZARO

Ven gozar da fermosa Fervenza do Ézaro nas noites máxicas do verán de Dumbría. Durante os meses de xuño a setembro a Fervenza do Ézaro iluminarase polas noites, e poderás contemplar este espetáculo en primeira fila dende a pasarela de madeira que chega ata o pé da fervenza.

Dumbría, NOITES MÁXICAS !

HORARIO

Dende ás 23:00 ata ás 00:00h

DÍAS

XUÑO > 28 I 29

XULLO > 5 I 6 I 12 I 13 I 19 I 20 I 24 I 26 I 27

AGOSTO > 2 I 3 I 9 I 10 I 14 I 16 I 17 I 23 I 24 I 30 I 31

SETEMBRO > 6 I 7 I 13 I 14 I 20 I 21 

CONSELLOS:

• Evitar empregar un navegador ou GPS (nesta zona non axuda, soe recomendar a peor estrada).
• Se ves da zona de Santiago – Rías Baixas – Ourense. 2 opcións:
  • Estrada de costa: autovía ata Noia, continuar á dereita pola estrada de costa AC-550 dirección Cee, despois de pasar polo pobo do Pindo, xusto despois da ponte hai un cruce á dereita que indica Fervenza do Ézaro.
  • Estrada de interior e costa: estrada AC-441 dirección Negreira – Muxía, en Boudañeira xirar á esquerda dirección Berdeogas, chegados ao cruce coa estrada AC-552 dirección Fisterra – A Coruña xirar á esquerda dirección Fisterra, ao chegar a Cee xirar á esquerda dirección Muros, cara o final do pobo do Ézaro, xusto antes da ponte hai un desvío á esquerda que indica Fervenza do Ézaro.
• Se ves da zona da Coruña – Lugo:
  • Autopista AG-55 dirección Arteixo – Carballo, continuar pola autovía dirección Fisterra, continuar pola AC-552 dirección Fisterra, chegados a Cee, xirar á esquerda dirección Muros, cara o final do pobo do Ézaro, xusto antes da ponte hai un desvío á esquerda que indica Fervenza do Ézaro.
• Unha vez chegados á zona do porto deportivo do Ézaro, aparcar na zona adoquinada que vai paralelamente ao longo da estrada, é aparcadoiro. Non na explanada, posto que é zona amarela. Continuar un leve paseo a pé a carón do río, enlazando coa pasarela de madeira ata os pés da Fervenza do Ézaro onde poderás incluso tocar a súa auga.

Galería de imágenes