O FEM, Festival Escena Muller 2026, xa está en marcha… e ábrense as inscricións para «Creando panos»!

📍 Dumbría · 𝐂𝐚𝐬𝐚 𝐜𝐮𝐥𝐭𝐮𝐫𝐚𝐥 𝐝𝐞 𝐎𝐥𝐯𝐞𝐢𝐫𝐚
📅 28 e 29 de outubro
🕕 de 18:00 a 20:00 h

Un obradoiro con Noelia Darriba: un encontro para mulleres de todas as idades no que compartir historias, rir e crear xuntas.

Ao longo de dúas sesións, Noelia acompañaranos nunha conversa entre vivencias e lembranzas. Esas palabras irán tomando forma en panos con frases e mensaxes propias.

Un tempo para nós, para expresarnos, escoitarnos e descubrir o que nos une entre xeracións. Os panos creados formarán parte das mostras do FEM, porque as nosas historias tamén fan cultura.


📝 Participación gratuíta con inscrición previa:
https://docs.google.com/forms/d/e/1FAIpQLScSZx0tI7j0VjIh1d0z3s2pUrzqpFkBANPcgVXOT9UJ8yIEJA/viewform

Reserva un tempo para ti. Agardámoste!

#FEM2026 #CreandoPanos #CostaDaMorte #aculturaéundereito #Dumbría

 V Torneo de xadrez Ézaro · Concello de Dumbría
Celebrarase o sábado 19 setembro de 2026, no edificio Bitácora do Ézaro (Dumbría).

Máis información en www.galichess.com , ou teléfono 617 234 383

Torneo valedeiro para o X Circuito intercomarcal da Coruña 2026

Do 1 ao 11 de setembro, as casas culturais estarán pechadas.

Teredes ao voso dispor as instalacións do Conco para o uso da biblioteca, da aula de informática e mais do ximnasio, nos horarios indicados no cartel.

Continúan as actividades do servizo de conciliación para a rapazada dumbriesa. Consultar cartel!

Aberto o prazo para as solicitudes ata o 30 de setembro:

https://forms.gle/UqJaS5hfaUnYpf2t7

Non se admitirán solicitudes presentadas fóra de prazo.

+info: oficinas municipais. Teléf.: 981 744 001

Prazas limitadas en todas as actividades.

Prioridade para empradroadas/os.

Unha vez tramitadas as solicitudes, comunicaranse os admitidos/as, os horarios e as localizacións das actividades.

O vindeiro mércores, 26 de agosto, o acceso á Fervenza do Ézaro estará cortado tanto para o tráfico rodado como para os peóns.

Tan só terán permitido o acceso a veciñanza residente no Río do Barco, persoal de Xeal, do Concello de Dumbría, usuarios do pantalán e postos de venda da pérgola.

Desculpen as molestias.