Quero que SINTADES DUMBRÍA en cada páxina
deste almanaque, que sintades a súa natureza, o seu
amor polo deporte, pola cultura, polas festas, polos
detalles máis pequenos que fan TAN GRANDE este
CONCELLO.
Sentídea no corazón, porque Dumbría é un sentimento.

Mañá sábado día 12 de xaneiro retomamos o #DumbríaSpeaks.

Achégate ó Conco e aprende a falar inglés desde o primeiro día, con profesores nativos e a calquera idade

E abrimos grupo para nenos e nenas menores de 3 anos! Anótate chamando ao 981744001. As clases son de balde.

QUE É DUMBRÍA SPEAKS?

Situado no Conco, DUMRÍA SPEAKS é un espazo de comunicación, aprendizaxe e dinamización en lingua inglesa. Un espazo para falar, xogar, divertirse e escoitar música ou ver películas. Un espazo para tomar un café…de idiomas.

Para pais, para bebés, para nenos/as pequenos e maiores. Un espazo para empresas, traballadores ou persoal desempregado. Un espazo para mozos, estudantes, emprendedores ou amas de casa.

O inglés é a lingua do futuro e só aquelas persoas que poidan comunicarse de xeito fluído neste idioma terán posibilidades de éxito.

No concello de Dumbría somos conscientes diso, por iso poñemos en marcha este proxecto de inmersión lingüística en inglés; DUMBRÍA SPEAKS é un ESPAZO PARA TODOS.





QUE VAS APRENDER?

Persoal nativo en lingua inglesa que ofrece clases de speaking cunha metodoloxía propia, para falar inglés desde o primeiro día.

– Se necesitas falar o básico para comunicarte no teu negocio.

– Se queres nocións básicas para poder atender ao público neste idioma.

– Se queres introducir os teus fillos neste idioma desde pequenos e que o poidan aprender como a súa lingua propia.

– Se vas viaxar ao estranxeiro ou se tés unha entrevista de traballo.

– Se xa sabes o idioma e queres falalo con outros que tamén o saben.

Ademais das actividades deportivas que o Concello de Dumbría ofrece a longo de todo o ano, tamén ten eventos anuais que xa son un clásico e un referente na Costa da Morte, son eventos a nivel nacional e internacional do mundo do deporte. Pensandos para todos!

FÚTBOL

• Memorial Manuel Andújar: torneo de Fútbol 8.
• Campus Atlético de Madrid e, posteriormente, o Campus do Deportivo da Coruña.

PESCA

• Open Internacional de Pesca a Mosca por Parellas Río Xallas.
• Open de Pesca en Kaiak.
• Campionato de Pesca Xuvenil.

SLALOM e KAIAK

• Campionato Galego de Promoción de Slalom Augas Bravas.
• Campionato Galego de Slalom Olímpico.
• Open de Pesca en Kaiak.

VOLEIBOL

• Campionato de España de Volei Praia Cadete.
• Campionato Galego de Volei Praia de Categorías Inferiores.
• Curso de Verán de Volei Praia.

SALVAMENTO e SOCORRISMO

• Campionato de España Xuvenil e Junior de Salvamento e Socorrismo.
• Campionato Galego Absoluto de Salvamento e Socorrismo, categorías abosulta e máster.
• Campionato de España de Salvamento e Socorrismo por Comunidades Autónomas.

CICLISMO

• BTT Dumbría.
• Copa Galega de Ciclocrós.
• La Vuelta España en 2012, 2013 e 2016.
• Desafío del Atlántico, posteriormente coñecido como Gran Fondo Ézaro e que, na actualidade, forma parte da proba internacional UCI Gran Fondo World Series.

#DumbríaéDeporte

Ao longo de todo o ano, o Concello de Dumbría ofréceche unha ampla variedade de actividades de carácter deportivo para que elixas a que mellor se adapte ás túas necesidades e horarios. Goza do deporte durante os 365 días do ano.

Ximnasia de mantemento, zumba, fútbol, voleibol, ciclismo, piragüismo e actividades dirixidas Dumbría-DAFIT son as propostas deportivas que ofrece o concello.

En canto ás instalacións deportivas, o Concello de Dumbría conta co Polideportivo Municipal do Conco en Dumbría, o Campo de Slalom Olímpico do Couquiño en Olveira, o Ximnasio Municipal de Olveira, a Pista de Pádel do Ézaro, as Pistas Polideportivas descubertas nas parroquias do concello e de forma eventual, nos meses de xullo e agosto a praia do Ézaro dispón de 3 campos de volei praia.

Ademais, o Concello de Dumbría dispón de escolas deportivas de fútbol, voleibol, ciclismo e piragüismo para que non haxa excusa á hora de practicar deporte na Costa da Morte!

#DumbríaéDeporte

SINTE DUMBRÍA, sinte a súa natureza, o seu amor polo deporte, pola cultura, polas festas, polos detalles máis pequenos que fan TAN GRANDE este CONCELLO.

Síntea no corazón, Dumbría, un SENTIMENTO. https://youtu.be/a4fqj2jvlAs

DUMBRÍA

• ALBERGUE PÚBLICO DE PEREGRINOS DE DUMBRÍA - 981 74 40 01
• PENSIÓN O ARGENTINO – 981 74 40 51

CHEO – DUMBRÍA

• CASA O LEITEIRO (VT) – 609 649 252

CAFORRA – DUMBRÍA

• ALBERGUE CASA CREGO – 881 083 471 / 679 579 232

HOSPITAL – DUMBRÍA

• ALBERGUE O CASTELIÑO – 981 74 73 87

O LOGOSO

• PENSIÓN A PEDRA – 981 72 76 02 / 652 864 623
• ALBERGUE O LOGOSO – 981 72 76 02 / 659 505 399

OLVEIROA

• ALBERGUE PÚBLICO DE PEREGRINOS DE OLVEIROA - 658 045 242
• PENSIÓN CASA LONCHO – 981 74 16 73 
• ALBERGUE HÓRREO – 981 74 16 73 
• PENSIÓN AS PÍAS – 981 74 15 20
• ALBERGUE CASA MANOLA– 981 74 17 45

SANTA UXÍA

• CASA DE SANTA UXÍA – 671 630 365

#DumbríaéCamiño #DumbríaéTurismo 

Os Departamentos de Turismo e Cultura do Concello de Dumbría lanzamos a nova edición do noso concurso de fotografía #Dumbríaé. Este ano decidimos cambiar de estación e buscamos fotografías do inverno. Dumbría ten unha chea de cousas bonitas, non só de verán, e por iso queremos que nos enviedes fotos desta época do ano!

Cando? Do 15 de decembro de 2018 ao 16 de xaneiro de 2019.

Onde? Nas redes sociais do Concello de Dumbría: Facebook,                           Twitter e Instagram.

Que sorteamos? 5 lotes de productos promocionais do Concello de Dumbría.

Que fotos / vídeos? Aqueles que amosen as actividades, os lugares,  as paisaxes, as persoas que viven en Dumbría,...

Anímate a participar!

BASES DO CONCURSO:

• No concurso poden participar aqueles usuarios que promocionen e difundan o Concello de Dumbría realizando fotografías e vídeos representativos de Dumbría con calquera temática (patrimonio, natureza, festas, tradicións, deporte, persoas, etc). Fotos e vídeos feitos no propio concello ou fóra del e que o suban ás redes sociais do concurso (Facebook, Twitter ou Instagram)  coa etiqueta #Dumbríaé.

• O concurso é valido para todas as fotografías / vídeos que se compartan e etiqueten entre o  15 dedecembro de 2018  e o 15 de xaneiro de 2019 (ámbolos dous inclusive) a Instagram, Facebook e Twitter co hashtag #Dumbríaé. Non se aceptarán fotografías compartidas fóra destas datas.

• Entre todas as persoas participantes sortearemos 5 lotes de material promocional do Concello de Dumbría. O sorteo farase público unha vez finalizada a data de participación e os premios entregaranse nun acto público.

• Só as fotografías / vídeos que cumpran coa temática do concurso e cos requisitos especificados nestas bases poderán entrar na fase de concurso.

• A participación no concurso é de balde e non require inscrición algunha;  quedando supeditada a que o participante siga a mecánica de participación establecida nas distintas redes sociais: Instagram, Facebook e Twitter.

• O Concello de Dmbría resérvase o dereito a denunciar ou pedir a eliminación da fotografía / vídeo, se algunha imaxe vulnera dereitos persoais, resulta ofensiva ou discriminatoria.

• Para que unha fotografía /vídeo entre en concurso debe ser etiquetada co hashtag #Dumbríaé e compartila con perfil público en Instagram, Facebook ou Twitter. As fotos que non sexan etiquetadas polo seu autor con ese hashtag non participarán no concurso.

• Cada participante pode subir tantas fotos como queira, dentro das datas do concurso.

• O criterio para a elección das persoas gañadoras será un sorteo aleatorio creado por unha páxina de Internet.

• Os concursantes ceden os dereitos de imaxe das súas fotografías / vídeos para que o Concello de Dumbría poida usar dito material para promoción en calquera canle ou medio de comunicación.

• A participación no sorteo leva emparellada a autorización para publicar o nome e os apelidos da persoa gañadora nos diferentes medios impresos e dixitais que utiliza o Concello de Dumbría. Tamén conleva a aceptación da utilización dos seus datos conforme á Lei orgánica 15/1999 de protección de datos de carácter persoal e ao novo Regulamento Xeral de Protección de Datos da Unión Europea (GDPR).

• A organización poñerase en contacto co gañador a través das redes sociais e polas vías ao seu alcance que considere oportunas.

• A participación na presente promoción supón a aceptación íntegra das presentes bases.

PROTECCIÓN DE DATOS DE CARÁCTER PERSOAL

Os participantes aceptan, mediante a súa participación no presente concurso, que os contidos e os comentarios que vaian ser publicados nas redes sociais ou outros medios podan ser compartidos nos medios que o Concello de Dumbría estime oportuno. A participación nun concurso desta natureza supón a aceptación das normas das redes sociais nas que se difunde.

Non é necesario o rexistro previo mediante inscripción algunha. O Concello de Dumbría non recollerá ningún dato para a inscrición, xa que a participación é pública. Únicamente será necesaria a recollida de datos persoais das persoas gañadoras dos premios para a posterior entrega de premios.

BASES DE CONCURSO FOTOGRÁFICO 2018

RRSS do Concello de Dumbría 

Facebook: https://www.facebook.com/ConcelloDeDumbria

Twitter: https://twitter.com/ConcelloDumbria

Instagram: https://www.instagram.com/concellodedumbria/

#Dumbríaé #DumbríaéTurismo #DumbríaéCultura

A transmisión interxeracional da lingua galega a través dos nosos maiores é un ben prezado.

O Nadal é a época do ano na que as diferentes xeracións se xuntan, pois qué mellor maneira que aproveitalo para interactuar os maiores cos pequenos?! E viceversa! ;)

🗓 Martes 18 decembro.
🕠 Ás 17:30h
🏟 O Conco - Dumbría.

#NadalEnRede #DumbríaéCultura 

Rede De Dinamización Lingüística Xunta de Galicia

 “Matrimonio por venganza” a segunda novela publicada pola dumbriesa Noelia Castro presentarase o vindeiro mércores 26 de decembro ás 17:00h no Conco, na Biblioteca do Concello de Dumbría.  .

A autora cóntanos que se trata doutra “novela romántica contemporánea, que narra a historia de Cristopher e Isabella, pero por un erro do pasado, Cristopher regresa a Londres con intención de vengarse de Isabella. E non hai mellor venganza que volver a namorala para lograr que se case con el, e despreciar o amor da muller que ama. Pero Cristopher descubre un segredo que Isabella ocultaba e eso fara que Cristopher non poda soportar a culpa e intente por todos os medios conseguir o seu perdón”.

Na presentación tamén se levará a cabo unha sinatura de libros por parte da autora.