981 744 001 e casas culturais
O xoves 11 de xuño, ás 19:30 h, terá lugar no edificio Bitácora, no Ézaro, unha charla informativa sobre o eclipse solar que viviremos este verán.
Óscar Blanco Varela, Director do Centro astronómico Trevinca, astrofotógrafo, monitor Starlight e cazador de eclipses, contaranos como debemos prepararnos para vivir este fenómeno natural que terá lugar o vindeiro 12 de agosto.
Recomendamos á cidadanía que acuda a esta charla, xa que convén estar preparado para vivir unha eclipse, coñecer os riscos e recomendacións a seguir, saber atopar unha boa ubicación para poder desfrutalo con seguridade,...
O acceso será libre ata completar aforo
𝐌𝐀𝐈𝐎 𝐃𝐄 𝐋𝐄𝐓𝐑𝐀𝐒
Ao longo do mes de maio celebraremos as NOSAS LETRAS cun variado programa.
Comezamos co contacontos 𝐁𝐞𝐠𝐨𝐧̃𝐚 𝐂𝐚𝐚𝐦𝐚𝐧̃𝐨: 𝐯𝐨𝐜𝐞𝐬 𝐝𝐞 𝐬𝐚𝐥 𝐞 𝐝𝐞 𝐡𝐞𝐫𝐛𝐚, con Marisa Irimia. Programa Ler Conta Moito.
Será o xoves 14 maio, ás 18:30 h, na biblioteca do Ézaro.
Celebraremos o DÍA DAS LETRAS GALEGAS facendo a andaina 𝐏𝐎𝐋𝐎 𝐑𝐈́𝐎 𝐀𝐋𝐁𝐀𝐑𝐄𝐋𝐋𝐎𝐒, con saída e chegada na igrexa de Berdeogas, que nos levará ata impresionantes paraxes coma o Chan das Lagoas, a presa da Laxe ou a Devesa da Lúa.
Sairemos o domingo 17 maio, ás 9:30 h.
Para participar é imprescindible inscribirse!
Na biblio de Dumbría teremos o obradoiro infantil - xuvenil 𝐆𝐫𝐚𝐯𝐚𝐝𝐨 𝐜𝐨𝐧 𝐁𝐞𝐠𝐨𝐧̃𝐚 𝐂𝐚𝐚𝐦𝐚𝐧̃𝐨, con Velaísca. Programa Ler Conta Moito. Prazas limitadas!
Terá lugar o luns 18 maio, ás 18:30 h, na biblioteca do Conco - Dumbría
🎶👩🎤 O peche do Maio de Letras correrá a cargo da 𝐀𝐬𝐨𝐜𝐢𝐚𝐜𝐢𝐨́𝐧 𝐀 𝐅𝐨𝐧𝐭𝐞 𝐒𝐚𝐧𝐭𝐚 - 𝐆𝐚𝐢𝐭𝐞𝐢𝐫𝐨𝐬 𝐝𝐞 𝐁𝐮𝐱𝐚𝐧𝐭𝐞𝐬, que encherán de 𝐦𝐮́𝐬𝐢𝐜𝐚 𝐭𝐫𝐚𝐝𝐢𝐜𝐢𝐨𝐧𝐚𝐥 a casa cultural de Olveira.
Alí soarán gaitas, pandeiretas, tambores, bombos e as voces da nosa xente, que é quen mantén viva a nosa cultura. A mellor maneira de celebrar a nosa lingua. E este ano veñen con moitas sorpresas! Non o perdades!!
Será o domingo 31 maio, a partir das 17:00 h, na Casa cultural de Olveira
REGULAMENTO PARA A PARTICIPACIÓN:
🚗 A andaina será CIRCULAR
As persoas participantes deberán desprazarse nos seus vehículos ata a praza de Berdeogas
A andaina arrancará ás 9:30 h
As persoas participantes teñen a obriga de cumprir e atender as indicacións da organización.
As persoas participantes deberán atoparse en bo estado de saúde, non recomendándose a participación de persoas con patoloxías que desaconsellen este tipo de actividade.
Deberase camiñar entre o guía que encabeza a andaina e o que vai pechando a mesma. Non se poderá adiantar en ningún momento ao guía que abre a marcha, prohibíndose, por seguridade, saír do percorrido sinalado polo mesmo.
O ritmo da ruta adaptarase, de maneira que permita a todas as persoas participantes a realización da mesma.
Poderanse levar a cabo reagrupamentos se a organización o considera oportuno.
Os menores de idade deben ir acompañados dunha persoa adulta e con autorización dun proxenitor ou titor legal.
No caso de abandono voluntario por parte da persoa participante, este debe ser comunicado á organización.
A actividade conta cun seguro de accidentes. As persoas participantes teñen a obriga de comunicar á organización calquera incidente ou contratempo sufrido no percorrido da andaina ANTES DE ABANDONAR A ACTIVIDADE.
As persoas participantes comprométense a non deixar lixo abandonado ao longo do percorrido.
As mascotas están permitidas sempre e cando vaian coa correa posta.
O Concello poderá suspender a actividade se as condicións meteorolóxicas fosen adversas, ou por calquera outra causa que puidese afectar ao desenvolvemento da mesma. Así mesmo, a organización poderá modificar o percorrido se considera que supón algún tipo de risco para o grupo.
As inscricións realizaranse a través do formulario en liña.
Esta actividade ten un número limitado de prazas.
Avituallamento: o Concello facilitará gratuitamente un avituallamento sólido e líquido (auga, froita, ...) aproximadamente á metade do percorrido.
Consellos para as persoas participantes:
O Concello de Dumbría presenta o III Plan Estratéxico para a Igualdade Efectiva de Mulleres e Homes (2026–2030), unha folla de ruta que marca o camiño para avanzar cara a unha sociedade máis xusta, diversa e libre de discriminacións.
A igualdade non é só un obxectivo institucional, senón un compromiso colectivo que implica a toda a comunidade. Por iso, este plan nace coa vontade de seguir impulsando políticas públicas que garantan dereitos, oportunidades e benestar para todas as persoas.
Un plan para actuar
O III Plan de Igualdade estrutúrase arredor de diferentes liñas estratéxicas que orientan as accións municipais nos vindeiros anos:
Igualdade en todas as políticas municipais, incorporando a perspectiva de xénero na acción pública, promovendo a formación do persoal e impulsando unha comunicación inclusiva e non sexista.
Participación e apoderamento, fomentando a presenza das mulleres en todos os ámbitos, promovendo o pensamento crítico e apoiando o emprego, o liderado e a autonomía.
Coidados e corresponsabilidade, poñendo en valor os coidados, promovendo servizos de conciliación e apoiando ás persoas coidadoras.
Loita contra a violencia machista, mediante accións de prevención e sensibilización, promoción de relacións igualitarias e atención e protección ás vítimas.
Este enfoque integral permite abordar a igualdade desde distintos ámbitos, entendéndoa como unha cuestión transversal que afecta ao conxunto da sociedade.
Un compromiso compartido
A igualdade constrúese con accións, pero tamén co compromiso de todas as persoas, desde as institucións ata o día a día da cidadanía.
O III Plan de Igualdade é unha ferramenta para avanzar, pero o cambio real só é posible coa implicación de toda a veciñanza.
Participa
O Concello de Dumbría anima a toda a cidadanía a coñecer o plan e a formar parte deste proxecto común.
Podes consultar o III Plan de Igualdade completo na web municipal, no apartado de Servizos Sociais – Área de Igualdade.
Para facer achegas ou resolver dúbidas, escríbenos a: igualdade.dumbria@gmail.com
OFICINA DE TURISMO (OIT) DO ÉZARO
En 2025 atendeuse a un total de 45.074 visitantes na Oficina de Turismo do Ézaro, un aumento do 12,78% con respecto ao ano anterior. Os meses de maior afluencia foron os de tempada estival: xullo, agosto e setembro; testemuñando así a acusada estacionalidade turística de Galicia.
O perfil do visitante atendido na OIT O Ézaro correspóndese con excursionistas que viaxan en grupo, parellas e familias.
Con respecto á procedencia varía en función da época do ano.
As procedencias máis habituais das que si temos datos son:
Galicia: provincias de A Coruña e Pontevedra.
Resto de España: Madrid, Andalucía, Castela e León, País Vasco, Navarra e Castela a Mancha.
Resto de Europa: Alemaña, Portugal, Francia e Italia.
Resto do Mundo: México e EEUU.
Os tres días de maior número e visitantes atendidos foi o mércores 20 de agosto con 670 visitantes, o mércores 24 de setembro con 656 visitantes e o martes 16 de setembro con 654 visitantes.
CENTRO DE INTERPRETACIÓN DE RUTAS (CIR) MONTE PINDO E FERVENZA DO ÉZARO
En 2025, o CIR volveu abrir as súas portasno verán. En canto á procedencia dos visitantes atendidos, o maior número de visitantes que se achegaron ata aquí foron de procedencia nacional, seguidos moi de preto por visitantes galegos.
Un grande éxito foi a celebración, de novo, das rutas guiadas ao Monte Pindo que se celebraron os xoves e sábados de xullo, agosto e setembro, e nas que participaron un total de 232 persoas.
Tras entregárselles un cuestionario de satisfacción ás persoas participantes, estes foron os resultados:
65% soubo das rutas pola redes sociais e por familiares/amizades.
88,5% valoraron coa máxima puntuación (5/5) a organización previa á ruta.
96,2% valoraron coa máxima puntuación (5/5) a atención durante a ruta.
Que foi o que máis lles gustou? Pepe do Fieiro, os guías, a organización, a paisaxe e as lendas.
97,4% repetirían a experiencia.
100% queren que se continúen facendo.
89,3% estarían dispostos a pagar por facela.
CAMIÑO DE SANTIAGO
PUNTO INFORMACIÓN AO PEREGRINO
En 2025, o Punto de Información ao Peregrino volveu abrir tras uns anos pechado. Foron 2.510 os peregrinos atendidos en xuño, xullo e agosto. A meirande parte eran españois (Madrid, Andalucía, Cataluña e Valencia), seguidos por peregrinos europeos (Portugal, Italia, Francia, Reino Unido e Alemaña).
ALBERGUE OLVEIROA
En 2025 foron 3.925 os peregrinos que se aloxaron no Albergue Municipal de Peregrinos de Olveiroa.
Análise de datos:
Mes de maior afluencia de peregrinos: agosto.
Sexo predominante: masculino.
Rango de idade máis frecuente: 25-44 anos.
Procedencia máis habitual: Europa (Italia, Alemaña e Francia).
Procedencia do resto do mundo máis habitual: EEUU, Corea do Sur, Brasil, Canadá e Xapón.
ALBERGUE DUMBRÍA
En 2025 foron 1.732 os peregrinos que se aloxaron no Albergue Municipal de Peregrinos do Conco, Dumbría.
Análise de datos:
Meses de maior afluencia de peregrinos: xuño, agosto e maio.
Sexo predominante: masculino.
Rango de idade máis frecuente: 45-64 anos.
Procedencia máis habitual: Europa (Italia, Alemaña, Francia e Portugal).
Procedencia do resto do mundo máis habitual: EEUU, Corea do Sur, Canadá e Australia.
*Fotografía no Ézaro de Antonio Armada participante no concurso #DumbríaÉ
Arrancamos o Abril de Libros na Semana Santa organizando distintos obradoiros de promoción da lectura.
Haberá bibliotecas abertas tanto en horario de mañá coma de tarde para favorecer a conciliación das familias dumbriesas. Consultade horarios na imaxe.
O concello de Dumbría e a Xunta de Galicia, a través do GDR Costa da Morte veñen de implantar unha Aula Audiovisual Dixital na Casa da Cultura En Olveira cun orzamento de 17.908,00€ e unha axuda púlica de 14.254,77€, sendo o 80% da con cofinanciamento da UE.
Nesta Aula realizaránse presentacións multimedia e vídeos para promover a aprendizaxe. Talleres prácticos onde os participantes crean contidos audiovisuais, como vídeos, podcasts ou presentacións interactivas. Sesións de aprendizaxe colaborativa usando plataformas dixitais e ferramentas de edición audiovisual. Proxeccións e debates sobre temas específicos utilizando recursos dixitais. Avaliacións mediante quizzes interactivos e actividades en liña. Uso de recursos tecnolóxicos: Computadoras equipadas con software de edición de vídeo, audio e presentacións. Proxector e sistema de son para mostrar contidos multimedia. Plataformas educativas en liña para xestionar tarefas, recursos e comunicación. Cámaras e micrófonos para gravación e produción audiovisual.
O material co que conta a Aula é o seguinte:
12 ORDENADORES I5 8GB 240 SSD, PANTALLA 22", TECLADO, RATO, WEBCAM, AURICULARES, MICRO, SISTEMA OPERATIVO WIN 11
1 SERVIDOR
1 TELEVISOR 85”
1 PROXECTOR
1 SOPORTE
1 IMPRESORA LASER
