📖✨ 𝗔𝗕𝗥𝗜𝗟 𝗗𝗘 𝗟𝗜𝗕𝗥𝗢𝗦 · 𝗕𝗜𝗕𝗟𝗜𝗢𝗧𝗘𝗖𝗔𝗦 𝗗𝗘 𝗗𝗨𝗠𝗕𝗥𝗜́𝗔

Contacontos, música, títeres, ciencia, manualidades… Un bo feixe de actividades culturais para gozar das Casas de Cultura do Concello de Dumbría e celebrar xuntos o Día Mundial do Libro e dos Dereitos de Autor.

Arrancamos o 𝐀𝐛𝐫𝐢𝐥 𝐝𝐞 𝐋𝐢𝐛𝐫𝐨𝐬 𝐧𝐚 𝐒𝐞𝐦𝐚𝐧𝐚 𝐒𝐚𝐧𝐭𝐚 organizando distintos obradoiros de animación á lectura. Nesa mesma semana, as cinco bibliotecas acollen tamén obradoiros de manualidades con madeira, coa temática da Pascua, a cargo de Muxiarte. (Plan 𝐂𝐨𝐫𝐫𝐞𝐬𝐩𝐨𝐧𝐬𝐚𝐛𝐥𝐞𝐬. Consellería de Política Social e Igualdade. Xunta de Galicia).

E continuamos co 𝐀𝐛𝐫𝐢𝐥 𝐝𝐞 𝐋𝐢𝐛𝐫𝐨𝐬 con novas actividades que chegan ás nosas bibliotecas a través do programa 𝐋𝐞𝐫 𝐂𝐨𝐧𝐭𝐚 𝐌𝐨𝐢𝐭𝐨, da Rede de Bibliotecas Públicas de Galicia.

A maiores, o mércores 23, Lydia Botana visitará a biblioteca do Conco para celebrar Día Mundial do Libro e o dereito de autor, grazas á programación do Departamento de 𝐂𝐮𝐥𝐭𝐮𝐫𝐚 𝐝𝐚 𝐃𝐞𝐩𝐮𝐭𝐚𝐜𝐢𝐨́𝐧 𝐝𝐚 𝐂𝐨𝐫𝐮𝐧̃𝐚.

Nas nosas bibliotecas tes, tamén, ao teu dispor milleiros de libros.

Entra visitarnos e bótalle un ollo!

#Dumbría #DumbríaéCultura #BibliotecasdeDumbría #LerContaMoito #RedeBibliotecasPúblicasGalicia #AbrilDeLibros #Corresponsables #PlanCorresponsables #conciliación #igualdade #culturadadeputacióndacoruña #XuntadeGalicia #Igualdade

Un ano máis Dumbría volve ser a sede de campionatos nacionais.
Será a vindeira semana na praia do Ézaro.

Sub19 Masculino e Feminino _ 14, 15 e 16 de xullo
Infantil Masculino e Feminino - 17, 18 e 19 de xullo

#Dumbría #DumbríaéDeporte #volei #voleibol #voleibolplaya

A Fervenza do Ézaro (Dumbría) convértese este verán no escenario do innovador espectáculo nocturno de luz, son e narración visual O Eco do Ézaro, unha experiencia inmersiva que une patrimonio natural, tecnoloxía e mitoloxía galega.

Durante os meses de xullo, agosto e setembro, o público poderá gozar deste evento gratuíto que transforma a fervenza nun escenario vivo, onde a lenda e a paisaxe se funden para dar vida a unha historia ancestral. Un relato visual entre a auga, o mito e o Camiño.

Cartel e programación do espectáculo 'O Eco do Ézaro' 

O Eco do Ézaro é unha viaxe simbólica e sensorial que parte das raíces culturais de Galicia e dialoga co presente a través da arte dixital. A historia toma como fío condutor a figura da Raíña Lupa, un personaxe da mitoloxía galaica asociada ao Camiño de Santiago e ao antigo Fin do Mundo atlántico.

Espectáculo inaugural de 'O Eco do Ézaro' / Concello de Dumbría

Ao longo das escenas animadas, a narrativa explora a transformación desta figura lendaria: desde a súa posición como gardiá misteriosa e desafiante ata a súa redención e alianza cos primeiros peregrinos. A través de luces láser, proxeccións sobre a auga, efectos sonoros e música orixinal, o espectáculo recrea episodios como o nacemento da fervenza, a proba dos camiñantes, o encontro do pagán e o sagrado, ou o renacemento da harmonía ao pé do océano.

A escenografía natural que rodea a caída do río Xallas na Fervenza do Ézaro, única en Europa por desembocar directamente no mar con este caudal de maneira ininterrompida, convértese nun lenzo máxico onde o público é testemuña dun rito contemporáneo que resoa coas tradicións da espiritualidade, a natureza e a identidade galega.

Fervenza do Ézaro iluminada / Concello de Dumbría

Dende ás 22:30 ata ás 00:30h dende o 5 de xullo do 2025 ao 20 de setembro, venres e sábado e víspera de festivos.

Acceso de balde

O espectáculo comezou o pasado sábado, día 5, e poderá contemplarse os días 11, 12, 18, 19, 24, 25 e 26 de xullo; o 1, 2, 8, 9, 14, 15, 16, 22, 23, 29 e 30 de agosto; e o 5, 6, 12, 13, 19 e 20 de setembro, de 22.30 a 00.30 horas. Cada pase dura 15 minutos e repítese en bucle durante unha hora, con narración en tres idiomas (galego, castelán e inglés), para facilitar a súa accesibilidade ao público. O acceso é gratuíto.