🎄NADAL 2024/25🎄

📫Este Nadal a rapazada pode traer as súas cartas para Papá Noel, o Apalpador, ou os Reis Magos ás Casas Culturais e encargarémonos de facérllelas chegar.

·

🎅Do 13 ao 19 de decembro, Papá Noel falará coas nenas e nenos nas 5 aulas de informática, de 16 a 20 h.

E, neses mesmos días, de 18 a 19 h, teremos obradoiros infantís de manulidades de Nadal en madeira con Muxiarte. (Consultade cartel).

·

🎉O luns 23, gran Festa Infantil de Nadal no Conco, con xogos, música, manualidades, pintacaras, chapas, globoflexia, fotomatón, visita de Papá Noel, xantar, transporte,... e con The Show Moscón, (Duende Sico) e Notas de cores (Garabatos).

Estes dous últimos, cofinanciados a través da Rede Cultural da Deputación da Coruña.

❗️Ollo! Para asistir a esta festa é preciso inscribirse no Concello ou nas Casas Culturais.

Podes descargar aquí a solicitude⬇️

https://drive.google.com/file/d/1lN-SMLrUSUz2BCRagbefLetr29SiwgYG/view?usp=drive_link

·

🎨🧑‍🍳👩‍🍳 Nestas semanas de Nadal as casas culturais de Olveira, Berdeogas, Buxantes e O Ézaro abrirán de 10 a 14 h e O Conco farao polas tardes, de 16 a 20 h.

Alí, a rapazada poderá participar en obradoiros de manualidades, cociña, xogos de mesa, e outros moitos divertimentos.

·

🎼🎭🎩 As tardes de vacacións escolares, ás 18:30 h, teremos actuacións de maxia, títeres e novo circo en todas as Casas Culturais.

·

👑 E, para pechar estas datas de Nadal, a tarde do 5 de xaneiro as Súas Maxestades de Oriente visitarán as Casas Culturais do concello.

#DumbríaéCultura #Nadal #Nadal2024 #RedeCultural #culturadadeputaciondacoruna

❞𝙈𝙪𝙡𝙡𝙚𝙧𝙚𝙨, 𝙢𝙚𝙢𝙤𝙧𝙞𝙖 𝙚 𝙙𝙞𝙜𝙣𝙞𝙙𝙖𝙙𝙚❞. 𝙐𝙣𝙝𝙖 𝙭𝙤𝙧𝙣𝙖𝙙𝙖 𝙘𝙤𝙣𝙢𝙚𝙢𝙤𝙧𝙖𝙩𝙞𝙫𝙖 𝙙𝙖 𝙥𝙧𝙞𝙢𝙚𝙞𝙧𝙖 𝙫𝙞𝙖𝙭𝙚 𝙙𝙚 𝙍𝙪𝙩𝙝 𝙈𝙖𝙩𝙞𝙡𝙙𝙖 𝘼𝙣𝙙𝙚𝙧𝙨𝙤𝙣 𝙖́ 𝘾𝙤𝙨𝙩𝙖 𝙙𝙖 𝙈𝙤𝙧𝙩𝙚

Dumbría conmemora o 𝒔𝒂́𝒃𝒂𝒅𝒐 23 𝒅𝒆 𝒏𝒐𝒗𝒆𝒎𝒃𝒓𝒐 𝒏𝒐 𝑬́𝒛𝒂𝒓𝒐 o centenario do paso de Ruth Matilda Anderson por Galicia.

Ruth Matilda Anderson, etnógrafa e fotógrafa na Hispanic Society of America, viaxou a España e á Costa da Morte fai un século. Esta viaxe levouna a coñecer e fotografar xentes, lugares e oficios do noso concello, conformando así unha importante memoria que chega ata os nosos días.

Por iso, desde Concello de Dumbría queremos conmemorar esta data e poñer en valor o importantísimo e minucioso labor realizado por Anderson.

Esta xornada quere, tamén, botar unha ollada á nosa historia, reivindicando o importante papel da muller galega na construción da sociedade que hoxe coñecemos.

Unha xornada na que, ao longo de todo o día, diferentes profesionais e a propia veciñanza tomarán o relevo de Ruth Matilda para rememorar a Dumbría do primeiro terzo do século pasado.

Participantes:

𝑨𝒍𝒃𝒂 𝑹𝒐𝒅𝒓𝒊́𝒈𝒖𝒆𝒛. Tradutora e editora técnica en Afundación. Integrante do Grupo de Investigación en Tradución e Paratradución (T&P) da Universidade de Vigo. Profesora visitante na Universidade de Kent en Canterbury e na University College Dublin.

𝑨𝒏𝒂 𝑪𝒂𝒃𝒂𝒏𝒂. Profesora titular do Departamento de Historia da USC. Integrante do Grupo de Investigación Histagra e do Centro de Investigación Interuniversitario das Paisaxes Atlánticas Culturais (CISPAC).

𝑷𝒂𝒕𝒓𝒊𝒄𝒌 𝑳𝒆𝒏𝒂𝒈𝒉𝒂𝒏. Doutor en Filosofía. Curador de gravados e fotografías na Hispanic Society of America. Intervirá desde os Estados Unidos por videochamada.

Moderará a xornada 𝑺𝒂𝒏𝒕𝒊𝒂𝒈𝒐 𝑮𝒂𝒓𝒓𝒊𝒅𝒐. Xornalista. Moito do seu traballo xornalístico céntrase na análise e documentación da idiosincrasia da Costa da Morte.

Pola tarde, teremos un faladoiro coa 𝒗𝒆𝒄𝒊𝒏̃𝒂𝒏𝒛𝒂 no que conversaremos sobre a Dumbría dos últimos cen anos.

• Programa:

Sábado 23 de novembro.

Edificio Bitácora – O Ézaro.

10.30 h - Apertura da xornada

11.00 h - «O país das mulleres de Ruth Matilda Anderson. Unha ollada en clave de xénero cara a Galicia do 1º terzo do século XX» por Ana Cabana

11.30 h - «Ruth Matilda Anderson, tradutora e reivindicadora das mulleres galegas e da Galicia longamente ocultada» por Alba Rodríguez

12.10 h - Pausa café

13.00 h - Intervención de Patrick Lenagham

13.30 h - Peche da sesión matinal coa posta en común de conclusións. Modera Santiago Garrido

16.00 h - Faladoiro: Conversando cos nosos maiores sobre a Dumbría dos últimos cen anos

Clausura da Xornada.

Máis aló da conmemoración do paso de Ruth Matilda por terras dumbriesas, esta xornada convértese, coa participación da veciñanza de Dumbría, nunha reivindicación do valor do noso patrimonio inmaterial, das nosas tradicións.

Como primeira acción, o Concello de Dumbría xuntou as mulleres do Ézaro de hoxe para recrear unha das máis icónicas imaxes da fotógrafa americana no areal do lugar, tirando polos cabos da arte. 

Retratou o momento unha nova Ruth Matilda de hoxe, que leva anos inmortalizando a Costa da Morte. Ana García, fotoxornalista da Voz de Galicia reproduciu esta réplica /nova interpretación da imaxe de Anderson.

Os nosos maiores terán todo o protagonismo na tarde desta Xornada, na que revivirán a memoria doutros tempos desta nosa terra.

𝑨 𝒆𝒏𝒕𝒓𝒂𝒅𝒂 𝒔𝒆𝒓𝒂́ 𝒈𝒓𝒂𝒕𝒖𝒊́𝒕𝒂 𝒆 𝒂𝒕𝒂 𝒄𝒐𝒎𝒑𝒍𝒆𝒕𝒂𝒓 𝒂𝒇𝒐𝒓𝒐

Foron 150 as fotografías participantes no concurso fotográfico #Dumbríaé 2024.

Queremos agradecerlle á súa participación ás 41 persoas participantes e transmitirlle a noraboa ás persoas gañadoras.

𝗙𝗢𝗧𝗢𝗚𝗥𝗔𝗙𝗜́𝗔𝗦 𝗚𝗔𝗡̃𝗔𝗗𝗢𝗥𝗔𝗦 CONCURSO FOTOGRÁFICO #𝗗𝗨𝗠𝗕𝗥𝗜́𝗔𝗘́ 𝟮𝟬𝟮𝟰 ⤵️

 ⛩️ “ACUEDUCTO PONTE PEÓN – Descubrindo os segredos de Dumbría” obra de OSCAR NAYA EDREIRA.

👧 “NENA FELIZ COAS VACAS EN ALVARELLOS –Tarde en Alvarellos vendo pastar as vacas” obra de SANTIAGO BAÑA PÉREZ.

🌿 “A MOA - Esta reliquia do ano 1922 que meu bisavó Francisco fabricou para afiar fouciños, coitelos… e agora eu conservo no meu xardín” obra de NAZARET CAPELO.

🐴 “NAI E FILLO REFRESCÁNDOSE – Alto de Miñóns” obra de LEONARDO MOREIRA LEMA.

☂️ “A CHUVIA EN DUMBRÍA É ARTE- Ponte Peón” obra de LUCÍA CAMBEIRO.

🐺 “TERRITORIO VÁKNER – Vákner, o lobishome que axexa aos peregrinos dende a idade media” obra de TANIA MATÍAS BOUZA.

🌄 “ÉZARO – Vista do Ézaro dende Miñóns” obra de ALBA CAMBEIRO.

🌆 “HORA DOURADA – Paseo marítimo de Pedramaior” obra de MAR GARCÍA GONZÁLEZ.

🚜 “EBRO POR ALVARELLOS – Preparando a finca en Alvarellos para plantar o millo” obra de SANTIAGO BAÑA PÉREZ.

🤹 “EQULIBRIO Ó SOLPOR – Pedra Cabalgada nun solpor do inverno” obra de MICHAEL GRILLE SANTIAGO.

🏞️ “CARBOAL - Nun dos lugares máis fermosos e secretos de Galicia, as fervenzas e as súas pozas sucédense para emocionar ao visitante” obra de UXÍA PEREIRA.

🌊 “ÉZARO – Cascada do Ézaro” obra de MAURO LOURO GONZÁLEZ.

#Dumbríaé #fotografía #concurso #foto #concursofotográfico #Dumbría 

Certame literario Territorio Vákner

A escritora coruñesa Natalia Monje gaña o certame de contos de terror Territorio Vákner

Alumnas do IES Rosalía de Castro e do CPR Manuela Rial venceron nas seccións escolares deste concurso, que convocaron o Concello de Dumbría e La Voz de Galicia

#Dumbría#DumbríaéCultura#DumbríaéCamiño#Vákner#TerritorioVákner#certameliterario#concurso

Ao longo do mes de setembro atoparás diferentes actividades infantís nas bibliotecas municipais.
Achégate e participa nas que máis che gusten!

Actividade financiada a través do Programa Corresponsables 2024 da Consellaría de Promoción do Emprego e Igualdade da Xunta de Galicia

#Dumbría #DumbríaéCultura

Taller: Técnicas de estudo

Dirixido a alumnado de Secundaria e Primaria (a partir de 3º curso)

A actividade realizarase nas casas culturais cun número mínimo de inscritos.

Grupos segundo nivel académico.

PRAZAS LIMITADAS!

·

Solicitudes ata o 18 de outubro a través do formulario

https://forms.gle/eL4Fna5pURxWSXx88

+ info: Concello de Dumbría. Oficinas municipais (Teléf.: 981 744 001) e casas culturais.

Este outono, de luns a venres, ás 18:00 h, tes unha cita coa ciencia, coa tecnoloxía, coa robótica, cos contos, coa regueifa, coa maxia, coa ilustración, coa arte, cos libros...

Este outono, tes unha cita coas 5 bibliotecas do Concello de Dumbría!

PRAZAS LIMITADAS NOS OBRADOIROS!

+INFO no Concello de Dumbría. Telf.: 981 744 001

Actividades enmarcadas dentro do programa de dinamización Ler Conta Moito, da Rede de Bibliotecas Públicas de Galicia.

Aberto o prazo para as preinscricións:

✍️ 𝐚𝐭𝐚 𝐨 7 𝐝𝐞 outubro

⬇️

Non se admitirán solicitudes presentadas fóra de prazo.

+ info Concello: 981 744 001

PRAZAS LIMITADAS EN TODAS AS ACTIVIDADES

Prioridade para empadroadas/os en Dumbría.

Unha vez tramitadas as preinscricións, comunicaranse os admitidos/as, os horarios e as localizacións das actividades.

#Dumbría #DumbríaéCultura #DumbríaéDeporte

O Concello de Dumbría organiza unha subida ao Monte Pindo co neno que soñaba coa montaña: Pepe do Fieiro.

A ruta iniciarase no Fieiro, a súa aldea natal, para comezar o ascenso polos segredos do Monte Pindo ata coroar A Moa da man do maior explorador do Monte Pindo. É indispensable contar con vehículo propio para chegar ata o Fieiro. Unha vez finalizada a ruta, baixaremos ata o Centro de Interpretación de Rutas (CIR) Monte Pindo e Fervenza do Ézaro, onde gozaremos xuntos dun refrixerio e dalgunha que outra sorpresa…

⬇️Inscríbete e goza dunha experiencia única da man dun dos mellores coñecedores do Olimpo Celta. ⬇️

Máis información: 
Oficina de Turismo do Ézaro
Oficinas Municipais
662 34 69 27
981 74 40 01

#DumbríaéTurismo #DumbríaéCultura #DumbríaéDeporte #MontePindo #PepedoFieiro #montaña #sendeirismo #cultura #historia #PatrimonioInmaterial #HistoriasVivas

O certame literario TERRITORIO VÁKNER ten 2 𝐦𝐨𝐝𝐚𝐥𝐢𝐝𝐚𝐝𝐞𝐬⤵

🐺✍️👨 𝗜𝗜𝗜 𝗘𝗱𝗶𝗰𝗶𝗼́𝗻 𝗥𝗘𝗟𝗔𝗧𝗢𝗦 𝗗𝗘 𝗠𝗜𝗦𝗧𝗘𝗥𝗜𝗢 𝗡𝗢 𝗖𝗔𝗠𝗜𝗡̃𝗢 (adultos)

• 𝗣𝗮𝗿𝘁𝗶𝗰𝗶𝗽𝗮𝗻𝘁𝗲𝘀: maiores de 16 anos.
• 𝗜𝗻𝘀𝗰𝗿𝗶𝗰𝗶𝗼́𝗻𝘀/𝗲𝗻𝘃𝗶́𝗼 𝘁𝗲𝘅𝘁𝗼𝘀: a̲t̲a̲ o̲ 1̲5̲ d̲e̲ o̲u̲t̲u̲b̲r̲o̲ á Delegación de La Voz de Galicia, rúa Gran Vía, 84, 1º, 15100, Carballo.
• 𝗣𝗿𝗲𝗺𝗶𝗼𝘀:
  • 🥇 1º premio: 2.000€
  • 🥈 2º premio: 1.000€
  • 📜 10 primeiros: diploma e peza distintiva.
• 𝗕𝗮𝘀𝗲𝘀 RELATOS DE MISTERIO NO CAMIÑO ⤵

🐺✍️🚸 𝗜𝐕 𝗘𝗱𝗶𝗰𝗶𝗼́𝗻 𝗖𝗢𝗡𝗧𝗢𝗦 𝗗𝗘 𝗠𝗜𝗦𝗧𝗘𝗥𝗜𝗢 𝗡𝗢 𝗖𝗔𝗠𝗜𝗡̃𝗢 (escolar)

• 𝗣𝗮𝗿𝘁𝗶𝗰𝗶𝗽𝗮𝗻𝘁𝗲𝘀: 2 categorías⤵
  • 🎒 Alumnado de 5º e 6º de primaria dos colexios polos que transcorre o Camiño de Fisterra e Muxía.
  • 📁 Alumnado na ESO dos colexios polos que transcorre o Camiño de Fisterra e Muxía.
• 𝗜𝗻𝘀𝗰𝗿𝗶𝗰𝗶𝗼́𝗻𝘀/𝗲𝗻𝘃𝗶́𝗼 𝘁𝗲𝘅𝘁𝗼𝘀: a̲t̲a̲ o̲ 1̲5̲ d̲e̲ o̲u̲t̲u̲b̲r̲o̲ a eventos.carballo@lavoz.es
• 𝗣𝗿𝗲𝗺𝗶𝗼𝘀:
  • 🥇 750€ para o colexio ao que pertenza a persoa gañadora de cada categoría.
  • 🎁 3 primeiros: obsequio.
  • 📜 Demais seleccionados: diplomas.
• 𝗕𝗮𝘀𝗲𝘀 CONTOS DE MISTERIO NO CAMIÑO ⤵

Podes consultar as bases do concurso aquí.