O verán está chamando á porta así que imos recibilo como toca.Para ir abrindo boca, o mércores 26 de xuño, entre as 11:00 e as 17:00 horas, celebraremos unha festa infantil de fin de curso no areal do Ézaro.

Gozaremos de actividades deportivas, xogos na praia, xogos populares,... Nela poden participar todos os nenos e nenas do concello, a partir dos 4 anos.
Para iso débese entregar unha autorización firmada pola nai, o pai, ou os titores, nas casas culturais ou nas oficinas municipais antes do 21 de xuño.

descargar autorización:

En primeiro lugar, desde Senra Sport queremos dar as grazas a tod@s a cada un dos pilotos participantes. Foi un pracer teros en Dumbría. Grazas a Pablo Rey; Miguel Ángel García; Jacobo Senín; Abraham Vázquez; Carlos Lorenzo; Adrián Sabajanes; José Antonio López-Fombona; Manuel Senra; Javier Carballo; José Espiño; Juan Manuel López; Santiago García; Abel Barreiro; Carlos Rodríguez; Miguel Suárez; José Luis Filgueira; Manuel Ángel Juncal; José Luis Carrera; Roberto Torres; Pedro Castro; José Antonio Otero; Luis Torres; Juan Pablo Barrio, Antonio Rodríguez; Ramón Louro; Sabino García; Álvaro José Rodríguez; Alfonso Quintas; José Manuel Piay; Antonio Bermúdez; Roberto Barreiro; Anxo Lariño; Sergio Tabeayo; Diego Gómez; Sergio Dosil; Diego Iglesias; Donato Santome; Óscar Franco; Santiago Gómez; Alfonso Cabral; Francisco Javier Gil; Andrea Barral; Israel Lamas; Olalla Fabeiro; Diego Rodríguez; Francisco Leiro; Juan José Montes; Carla Baz, e Jorge Barca.

Podedes ver algunhas fotos do evento no Album

Noraboa aos gañadores nas distintas categorías da proba. Neste enlace podedes consultar as diferentes clasificacións e os tempos: http://temposfga.es/1-subida-a-dumbria/

GRAZAS a tod@s os que estivechedes en Dumbría desfrutanto da proba! Preto de 3.000 persoas deron vida ao evento e ás rúas do concello, nun fin de semana inesquecible para todos.

Video da primeira edición: https://youtu.be/yyH9bYMIZ9I

Fonte: Senra Sport Olveira

 Dende fai anos Talía Teatro caracterízase por ser unha compañía cun amplo repertorio. O autor deste espectáculo é un autor contemporáneo da nova escena europea, Michal Walczak.

‍‍ "A PRIMEIRA VEZ" é un drama disfrazado de comedia.

Día: Venres 31 de maio de 2019

Hora: 21:30 h

Lugar: Auditorio da Casa de Cultura de Olveira, en Dumbría

⚠ PÚBLICO: +13 ANOS !!!

ENTRADAS-INVITACIÓNS:
De balde ata completar aforo.
Con antelación: nas Casas Culturais e/ou nas Oficinas Municipais do Concello de Dumbría a partir do luns 27.

 SINOPSE:
É a décima vez que soa o teléfono na metade da noite. Despois de atravesar a cidade horriblemente iluminada, no medio da chuvia, deambular entre bloques de vivendas, atopar o edificio, a escaleira, o piso e a porta ..., el e ela confróntanse para trazar o itinerario da súa primeira vez.

A primeira vez conta, polo tanto, a primeria relación amorosa de Mada e Carlos. Unha relación baseada na planificación exhaustiva dun primeiro encontro perfecto, coidado e medido ata o último detalle, pretendendo converter esa mitificada primeira vez en ideal, tendo que sacrificar a súa verdadeira emoción para acadar unha verdade ensaiada, teatralizada, polo tanto falseada.

 REPARTO:
Intérpretes: María Ordóñez e Toño Casais.
Escenografía e iluminación: Dani Trillo.
Vestiario e maquillaxe: Martina Cambeiro.
Espazo sonoro: Diego Rey.
Deseño gráfico, fotografía e vídeo: Rubén Prieto.
Producción: Artur Trillo e Auri Ferreiro.
Axudante de dirección: Martina Cambeiro.
Versión e dirección: Artur Trillo.

 ENTRADAS-INVITACIÓNS:
De balde ata completar aforo.
Con antelación: nas Casas Culturais e/ou nas Oficinas Municipais do Concello de Dumbría a partir do luns 27.
Taquilla: abrirase 30min antes da función.

Os rapaces que asisten as clases de informática de Dumbría quixeron compartir con nós, no Día das Letras Galegas, un fermoso traballo das historias que escoitan na casa., ou inventada por eles mesmos.

Creatividade sen límites dos nosos pequenos.

Dentro das Xornadas de Cultura +QLibros que estamos levando a cabo nos meses de abril e maio no Concello de Dumbría, contamos coa presentación da BANDA DE GAITAS DO GRUPO INVERNÍA.

O acto de presentación será:

Día: 17 de maio, coincidindo coa celebración das Letras Galegas 2019

+ Lugar: Casa de Cultura de Olveira. Dumbría

+ Hora: 17:30 h.

+ Entrada libre ata completar aforo.

A banda de gaitas Invernía, da cal forman parte os Gaiteiros de Buxantes (Dumbría) serán os representantes de Galicia este ano no Festival Interceltico de Lorient, en Francia.

É un dos festivais de música folk máis importantes do mundo, e terá lugar en agosto no país veciño, Francia.

Non vos perdades a oportunidade de ver a este grupo actuando no DÍAS DAS LETRAS GALEGAS para todos nós!

O Día das Letras Galegas é unha celebración instituida en 1963 pola
Real Academia Galega para homenaxear a aquelas persoas que
destacasen pola súa creación literaria en idioma galego ou pola
defensa da devandita lingua.

Cada ano dedícase a unha
personalidade diferente, escollida pola Real Academia Galega, tendo
en conta que se esixen polo menos dez anos dende o seu falecemento.
Dende a instauración desta celebración cultural, soamente en 1998
houbo unha dedicación conxunta a tres poetas medievais: Martín
Codax, Xohán de Cangas e Mendinho, famosos polas súas cantigas.
A data de celebración deste evento, o 17 de maio, débese a que en
tal día como ese, en 1863, publicouse en Vigo o primeiro exemplar da
obra Cantares Gallegos, de Rosalía de Castro, que marcaría o inicio do
"Rexurdimento" ou renacemento cultural do galego. Esta data é
oficialmente festivo na comunidade galega dende 1991.
Neste ano 2019, a figura homenaxeada é Antonio Fraguas Fraguas,
escollido pola Real Academia Galega con dezaseis votos a favor fronte
a oito que tiña a candidatura de Ricardo Carvalho Calero.

O académico que encabezou a candidatura gañadora, Francisco
Díaz-Ferros, erixiu ao historiador e xeógrafo como unha "figura do
galeguismo", referente "xa non só polo seu talante ético de defensa
permanente do galego, senón pola súa capacidade de transmitir estes
sentimentos a todo o mundo". Ademais, destacou os máis de 300 libros e
traballos que desenvolveu Antonio Fraguas, unha "obra importante e de
densidade" na que mostrou un galego "tan particular, tan auténtico, tan
sinxelo e tan cariñoso" que "non houbo ninguén, quizais, que o fixese
desa forma tan persoal e directa" expresou. E é que Antonio Fraguas,
segundo o académico, recuperou "a voz do pobo": "Chegou no
momento preciso para recoller os alicerces da nosa cultura, o noso
mundo, o mundo campesiño que xa estaba a desaparecer".

Nas bibliotecas de Dumbría podes ver o material bibliográfico do homenaxeado así como unha mostra de cartelería editada pola Xunta de Galicia na que se explica a súa traxectoria profesional e persoal.

O Concello de Dumbría está levando a cabo actividades tecnolóxicas para todos os nenos do CEIP Santa Eulalia de Dumbría tanto en infantil como en primaria.

Para os máis pequenos ( de 3 a 5 anos) robótica con #Beebot, realidade aumentada, montaxe de engranaxes e #minecraft; e para os de primaria robótica con arduino e programación3d con kodu.

Dumbría é pioneira en alfabetización dixital, dotando con aulas de ordenadores e cursos de informáica en todas as casas de cultura.

Queremos que os nosos pequenos, sexan os primeiros en coñecer e aprender con estas ferramentas que xa forman parte do entorno dixital no que vivimos. 

Outra #educación é posible!

#Dumbríaécultura #alfabetización #educación #educaciónpública #Dumbría #programación #3D 

Dende o Concello de Dumbría, continuando na liña de promoción e
dinamización cultural no que vimos traballando desde fai décadas, achegamos un ano máis á veciñanza o programa + Q Libros.

Dende o 20 de abril ata o 17 de maio, unindo o día do libro co día das
Letras Galegas, imos celebrar unhas xornadas de portas abertas nas
bibliotecas para desfrutar destes espazos públicos dende outra perspectiva.
Durante estes días poderás participar de espectáculos de títeres, maxia e
música tradicional, dunha solta de libros e de obradoiros de cociña e maxia.

> 20 abril_17:30 h_Instalacións do Conco - Dumbría.
Maxia: Espectáculo e obradoiros de maxia para nenos/as. Entrada de balde.

> 23 abril_Casas Culturais, Centro médico e Albergues do concello de
Dumbría.
Solta de libros._ Dentro da iniciativa Libros Libres da Deputación da Coruña,
celebraremos o Día do Libro, co agasallo simultáneo de libros en diferentes
espazos municipais:
 Centros de saúde ás 11:00 h.
 Albergues municipais e Casas Culturais ás 18:00 h.

DACCultura #LibrosLibres

> 27 abril_17:30 h_Edificio Bitácora do Ézaro.
Títeres. Un diaño na maleta. Espectáculo de títeres para o público infantil e
familiar. Entrada de balde.

• Q Libros - 2019
  “Xornadas de Obradoiros e Actividades nas Bibliotecas”

> 4 maio_17:30 h_Casa Cultural de Berdeogas
Obradoiro infantil de cociña.
Para participar é necesario inscribirse no concello ou casas culturais. Data
límite: 2 maio. De balde.

> 11 maio_17:30 h_Casa Cultural de Buxantes
A Roda dos xogos + Obradoiro infantil de cociña.
Para participar é necesario inscribirse no concello ou casas culturais. Data
límite: 9 maio. De balde.
Actividade enmarcada na Rede Cultural 2019 da Deputación da
Coruña.#DACCultura

> 17 maio_17:30 h_Casa Cultural de Olveira
Letras Galegas. Celebraremos este día rodeándonos de música tradicional e
letras. Nuns días informaremos máis e mellor sobre esta celebración.
De balde.

As bibliotecas en Dumbría son +Q libros.
#Dumbríaécultura

Andainas "Coñece a Costa da Morte" 2019

Anótate no Concello de Dumbría 981744001 antes do 2 de maio ás 13h

Día da andaina: 4 de maio de 2019

Saída: Xestosa. 10:00 h

Remate: Fervenza do Ézaro

Distancia: 15 km aprox.

Altitude máxima: 434 m (s.n.m.)

Tipo de Roteiro: Lineal

Descarga inicial de buses: 42º57´30.0"N - 9º0.5´25.3"W ( En Xestosa, Buxantes)

Carga final de buses: 42º54´33.3"N - 9º0.7´44.1"W ( No Ézaro)

Roteiro lineal cunha lonxitude total de aproximadamente 15 km. Con saída desde o lugar de Xestosa, na parroquia de Buxantes.
Desde este punto sairemos en dirección ao río Xallas para divisar, preto da saída, a devesa de Anllares.
Camiñaremos ao carón do río Xestosa, que desemboca no primeiro a través dunha fervenza.
Chegaremos ás Teixoeiras, lugar onde se atopa un conxunto de vivendas consideradas das máis antigas do concello (s. XVII). Os teitos destas construcións son d lousas graníticas. A uns 1.400 m cara o río atópase o castro das Teixoeiras.

A parada para o avituallamento realizarase no merendeiro do
río San Crimenzo (aprox. km 7). Este río ten unha lonxitude de 3.6 km e desemboca no encoro de Santa Uxía.

Unha vez reanudemos a marcha, afrontaremos a subida cara o
parque eólico de Miñóns, para dirixirnos cara o Ézaro.
Desde aí encararemos en baixada a xa mítica rampa de cemento, cun 30% de desnivel, convertida nos últimos anos nun punto de peregrinación do mundo do ciclismo, pola que pasou en tres ocasións o pelotón da Vuelta a España, dúas delas en final de etapa.
O final do percorrido sitúase na fervenza do Ézaro.
O Xallas, coñecido como río Ézaro no seu último tramo, precipítase directamente ao mar en forma de fervenza, salvando un desnivel de 40 m. A forza das súas augas orixinou debaixo dela un pozo duns 16 m de profundidade.

Frei Martín Sarmiento, na súa viaxe ata estas terras, abraiado pola súa maxestuosidade, describiuna como unha "catarata prodigiosa".
Dise tamén que os viquingos situaron no estuario do Ézaro un
estaleiro onde reparaban as súas naves, durante a invasión
normanda.

Díptico completo da Andaina

#DumbríaéDeporte

Andainas Coñece a Costa da Morte

⚠ AVISO A VISITANTES: TURISTAS E EXCURSIONISTAS.

✔ O acceso peonil á Fervenza do Ézaro estará aberto.
⛔ Non poderán acceder autobuses nin autocaravanas ata a fervenza. Contarán cunha zona habilitada, de carga e descarga, na estrada principal.
✋ O acceso en vehículo estará regulado por membros de Protección Civil de Dumbría. Haberá determinados momentos nos que o acceso estará cortado, en función da afluencia de visitantes, tendo que aparcar nas inmediacións.
💡 NON haberá espectáculo de iluminación da Fervenza do Ézaro esta Semana Santa por mor das obras.

Desculpen as molestias que as obras da construción da pasarela accesible poidan ocasionarlle.

Pregamos difusión desta información. Así como paciencia durante o periodo que duren as obras. Se todos poñemos da nosa parte, a obra rematará antes. Grazas pola súa amabilidade!

⚠ AVISO A VISITANTES: TURISTAS Y EXCURSIONISTAS.

✔ El acceso peatonal a la cascada Fervenza do Ézaro estará abierto.
⛔ No podrán acceder autobuses ni autocaravanas hasta la cascada. Contarán con una zona habilitada, de carga y descarga, en la carretera principal.
✋ El acceso en vehículo estará regulado por miembros de Protección Civil de Dumbría. Habrá determinados momentos en los que el acceso esté cortado, en función de la afluencia de visitantes, teniendo que aparcar en las inmediaciones.
💡 NO habrá espectáculo de iluminación de la cascada Fervenza do Ézaro esta Semana Santa debido a las obras.

Disculpen las molestias que las obras de construcción de la pasarela accesible le puedan ocasionar.

Rogamos difusión de esta información. Así como paciencia durante el período que duren las obras. Si todos ponemos de nuestra parte, la obra finalizará antes ¡Gracias por su amabilidad!

#DumbríaéTurismo #DumbríaAccesible #DumbríaParaTodos