Servizo de Axuda no Fogar (SAF)
Dende o Servizo de Axuda no Fogar (SAF) ofrécese atención e apoio no propio domicilio ás persoas e unidades de convivencia que o precisen, coa finalidade de favorecer a súa autonomía persoal, a permanencia no entorno habitual e a mellora da súa calidade de vida.
Este servizo diríxese a persoas que presentan limitacións na súa autonomía persoal ou dificultades para o desenvolvemento das actividades básicas da vida diaria, así como a persoas e familias en situación de especial vulnerabilidade social para as cales resulte un recurso idóneo.
O programa de Axuda no Fogar inclúe, entre outras actuacións:
- Atención persoal no domicilio para a realización das actividades básicas da vida diaria.
- Apoio doméstico e tarefas relacionadas co mantemento da vivenda.
- Acompañamento persoal e apoio social.
- Apoio á unidade familiar e de convivencia.
O servizo contribúe á prevención de situacións de risco ou exclusión social, á redución de situacións de crise persoal e familiar, e ao fortalecemento dos vínculos sociais e comunitarios, favorecendo a participación das persoas usuarias na vida da comunidade.
Persoas destinatarias:
- Persoas maiores.
- Persoas con discapacidade.
- Persoas en situación de dependencia.
- Unidades familiares ou de convivencia en situación de dificultade.
O acceso ao servizo realízase previa valoración profesional por parte dos Servizos Sociais municipais, tendo en conta a situación persoal, familiar, social e económica, de acordo coa normativa vixente.
