O venres, 31 de maio ás 19.00 horas nas instalacións do Conco (Dumbría), terá lugar unha charla informativa sobre a internet.

Esta charla pretende servir de reforzo aos alumnos/as que ao longo deste curso 2012-2013 asistiron ós cursos de informática organizados polo concello.

Quere ser unha sesión para afondar sobre a importancia da rede na sociedade actual, como canle que chega desde a nosa propia casa e a nosa vila ata o mundo enteiro.
Incidirá na importancia de manexar as novas tecnoloxías e procurará achegarnos ferramentas e contidos útiles que nos falen do que máis nos interesa: o máis próximo.

Comprobaremos que a internet, alén de ser unha porta aberta ao mundo, tamén nos permite coñecer moito mellor o que temos ao carón.

Falaremos de Quen usa a rede e que busca nela.
Amosarannos Contidos 2.0: espazos informativos, culturais e de lecer, en concreto sobre a Costa da Morte e sobre Dumbría.
Coñeceremos Ferramentas 2.0: correo, navegadores, buscadores, programas... e, moitas delas, dispoñibles en galego. 

A charla correrá a cargo de Ubaldo Cerqueiro, coordinador do diario dixital da Costa da Morte Quepasanacosta.com

Aquí vos deixamos un pequeno adianto nunha listaxe de recursos na rede.

Se tés curiosidade, se queres manterte informado, achégate ó Conco ó día 31 ás 19 horas!


AQUÍ VOS DEIXAMOS UN DOCUMENTO CON RECURSOS

 A Oficina de Información turística do Concello de Dumbría está ubicada no Ézaro, ó lado da desembocadura do Río Xallas e a pista de Pádel. 

 

Ofrece información do termo municipal de Dumbría en varios idiomas (galego, castelán, inglés e francés), dende a Cascada do Ezaro, o Centro de Interpretación de Rutas do Monte Pindo, o Museo de Eletricidade, O camiño de Santiago de Olveiroa a Fisterra ou Muxía; así como de todo o destino da Costa da Morte (aloxamentos, gastronomía, festas, rutas de interese....)



Nela podedes encontrar material informativo do entorno, guías turísticas,planos e material de exposición de artistas locais e todo aquelo que precisedes para disfrutar dunha estancia agradable en Dumbría.


Ademais do ámbito turístico, nesta oficina calquer usuario pode reservar o seu turno de Pádel sen coste algún e/ou informarse da adxudicación dun punto de amarre dos pantaláns do Ézaro.

De martes a sábados: de 10:30 a 13:30h e de 16:00 a 19:00h 

Os domingos: de 11:00 a 14:00h

O fotógrafo local Juan Louro, do Ézaro, fixo entrega ó Concello de Dumbría dunha foto pertencente  á colección itinerante  Ao Cabo (2012) como agradecemento á colaboración do Concello na posta en marcha desta colección. 

A Expoción fotográfica aborda a situación actual da frota pesqueira da Costa da Morte e está a percorrer distintas cidades do mundo. 
Arrancou a súa andaina no  Outono Fotográfico 2012, no Museo Municipal de Ourense, viaxou logo ó Pazo de Dom Manuel, en Évora(Portugal) e, máis tarde, recalou na vila francesa de Millau, Midi-Pyrénées.

Está aberto o prazo de inscrición para as actividades que se levarán a cabo nas instalacións do Conco ó longo do verán.


Coma tódolos anos, os rapaces e rapazas poderán asistir ós cursos de natación e participar nos xogos,
deportes, actividades culturais, etc. que se desenvolverán nos meses de xullo e agosto. Para asistir a estas actividades haberá servizo de autobuses.

Para adultos, rexe o mesmo prazo para que se anoten ós cursos de iniciación e perfeccionamento de natación.

Os horarios serán comunicados con anterioridade ó comezo das actividades.

É importante que vos inscribades para poder facer o deseño dos horarios por parroquias.

Podedes inscribirvos tanto nas oficinas municipais coma nas casas culturais.

Prazo: ata o 26 de xuño.

Foto:Naturpixel

 
A noite máis máxica do ano estase achegando. Será o próximo 23 de xuño. Unha noite especial, chea de maxia: a noite das meigas, porque "habelas, hainas". 



Neste día  do solsticio de verán, a noite máis curta no Hemisferio Norte, encéndense grandes cacharelas sobre as cales a xente salta para purificarse, e nas que cada un "queima " todo o negativo que quere apartar da súa vida.




En #Dumbría haberá festa e cachelas en tódolos lugares para conmemorar o San Xoán, con festas en Berdeogas e Olveira  e tamén a  larada do Ézaro. 



Para os principiantes na fotografía que queiran inmortalizar o momento, e tratándose dunha das noites máis fotoxénicas do ano, deixámosvos algúns consellos para fotografar as cacharelas da man dos expertos Naturpixel.com:

1. Decide o lugar: baralla as túas posibilidades e escolle cal encaixará mellor na túa reportaxe fotográfica.

2. Planifícate: Pensa que forma lle queres dar á túa serie de fotos, como queres contalo a través de imaxes.


3. Vai con antelación. Non esperes ata que chegue a noite. Vai con tempo para coñecer o terreo, coller sitio e fotografar a evolución da festa. Tal vez encontres bos motivos fotográficos antes de que acendan o lume que che axudarán a contar mellor a túa historia, á vez que terás máis material para que a túa reportaxe fotográfica sexa máis completa.


4. Non te obsesións co flash. En fotos concretas pódelle dar un toque, mesmo podes usalo para facer fotos creativas coa cortina traseira, pero non esquezas que o suxeito principal da noite é o lume, e deixa que sexa o que ilumine a escena. Sube un pouco o ISO se fai falta, aprende a facer fotos escuras, e busca eses pequenos espazos iluminados con esa pouquiña luz cálida. Tamén podes subexpoñer un pouco, para que o lume colla ese toque alaranxado-avermellado en lugar de quedar branco.

5. Busca siluetas. É o que máis doado vas  atopaar cando a xente estea a rodear o lume. De tódolos xeitos, procura estar atento en momentos decisivos e non fotografar siluetas porque si. Primeiro observa, despois decide e finalmente dispara.

6. Busca diferentes encadres. Fai fotos xerais, despois busca detalles, cámbiate de lugar, mestúrate coa xente... fai que as túas fotos sexan o máis variadas posibles, mira coa mentalidade de coleccionar instantes coa túa cámara para logralo.

7. Arríscate. Confía na túa creatividade, observa moito, e finalmente seguro que encontras puntos de vista que só se che ocorreu a ti. Así é como conseguirás que as túas fotos sexan especiais.
 



E ...cales son os teus trucos para sacar unhas fotos inesquecibles nas cacharelas de San Xoán?

Ata o venres, 28 de xuño, permanecerá aberta ó público a exposición dos traballos realizados nas clases de manualidades durante este curso 2012-2013.


A exposición ubícase no Centro Social de Dumbría (fronte ó Concello) e poderá visitarse de 9 a 14 horas (o sábado ata as 13 horas).

Estades todos invitados a pasarvos por aquí e admirar estas obras de arte feitas polos veciños e veciñas de tódalas parroquias de Dumbría.

¿ Gustaríache que o teu fill@  aproveitara as vacacións de verán para seguir en contacto co inglés dun xeito dinámico e activo, case sen darse conta?.

 Ó longo deste verán, os nenos e nenas do concello de Dumbría poderán asistir a un taller infantil de lingua inglesa. 
Aprenderán inglés ó mesmo tempo que se divirten.


As sesións estarán dirixidas por profesorado nativo.

Este pretende ser un complemento ás actividades estivais que se desenvolven nas instalacións do Conco.


Os interesados aínda están a tempo de inscribirse!


Máis información nas oficinas municipais e nas casas culturais.

De LUNS a VENRES (agás os mércores): de 10:00 a 20:00h
SÁBADOS e DOMINGOS: de 10:30 a 13:30h e de 16:00 a 19:00h

O CIR está situado na estrada Cee-Muros, á altura do desvío que leva á Fervenza, ós pantaláns e ó miradoiro.



Nel podedes atopar información de diferentes roteiros polo Monte Pindo:













 De LUNS a VENRES: de 10:00 a 20:00h
SÁBADOS e DOMINGOS: de 10:30 a 13:30h e de 16:00 a 19:00h


Na Oficina de Turismo tamén podedes reservar a pista de pádel (6 turnos de luns a venres e 4 nas fins de semana). Podedes facer a reserva tamén a través do teléfono que figura máis arriba.

Dumbría é turismo!  Dumbría é paisaxe, natureza, imaxe, son,... 

DUMBRÍA É ÚNICA!