ENTROIDO 2012

DOMINGO, 19 DE FEBREIRO

Ø Concentración de tódolos disfrazados/as ás 17:00 horas na porta do Concello.

Ø Pasarrúas ata a praza da Igrexa.

Ø Entrega dunha bolsa de golosinas a cada neno disfrazado.

Ø Como remate da festa, baile coa orquestra Fania Blanco Show

PREMIOS:

1º premio comparsas: 800 €

2º premio comparsas: 400 €

3º premio comparsas: 200 €

1º premio de 120 € ó disfraz individual máis orixinal.

As comparsas deben inscribirse antes das 15.00 horas do 16 de febreiro nas oficinas municipais en horario de 8 a 15 horas.

As comparsas participantes terán un mínimo de 6 compoñentes e realizarán unha actuación, ben sexan coplas, bailes ou representacións.

Ademais, as comparsas pertencentes ó concello de Dumbría poderán optar a unha axuda económica, debendo cumprir os requisitos recollidos nas bases.

As bases poden consultarse nas oficinas municipais.

POR OUTRA BANDA:

a semana previa a este concurso, de luns a venres e en horario de tarde, en tódalas casas culturais do concello haberá talleres para a confección de caretas e disfraces.

DUMBRÍA É ENTROIDO

Acreditación profesional- Convocatoria de 2012

Baixo o lema "Pon en valor a túa experiencia profesional" a Concellería de Educación e Ordenación Universitaria pón en funcionamento o procedemento para recoñecer, avaliar e acreditar, con carácter oficial, as competencias profesionais adquiridas no desenvolvemento do traballo. Esta acreditación permite acreditar e convalidar a experiencia que se posúa nun determinado campo e equiparalo a un estudo de FP
( Formación Profesional).

Os requisitos son os seguintes:

Posuír nacionalidade española, ou tarxeta da Unión Europea ou titular dunha autorización de residencia en España.

Ter 18 anos cumpridos para o nivel II e 20 anos para o nivel III.

Ter experiencia laboral e/ou formación relacionadas coas competencias que se queiran convalidar:

No caso de experiencia laboral, xustificar polo menos 3 anos cun mínimo de 3000 horas traballadas, nos últimos 10 anos.
No caso de formación, xustificar polo menos 300 horas nos últimos 10 anos.

As persoas interesadas non poderán estar matriculadas nin cursando un curso de formación profesional.

A documentación que é necesario presentar constará de: Para traballadores asalariados: Informe da Vida Laboral, contrato de traballo ou certificación da empresa; para traballadores autónomos; certificado dos períodos de alta da Seguridade Social no réximen correspondente e a descripción da actividade que se levou a cabo.

Podedes consultar toda a información do proceso e os títulos que se poden acreditar nesta convocatoria na páxina web : http://www.edu.xunta.es/acreditacion.

O prazo de presentación será dende o 16 de xaneiro ó 15 de febreiro.

Podedes informarvos de todo o proceso nos centros de Cee

IES Agra de Raíces: Rúa Buenaventura Castro Rial Cee 981745950

IES Fernando Blanco Avenida Fernando Blanco 99 Cee 981745350

Graduado en ESO

Rematou na presente semana o curso referido ó primeiro cuadrimestre da Educación Secundaria para Adultos.

Neste cuadrimestre obtiveron esta titulación 8 persoas que asistiron ás clases que o Concello imparte desde o mes de outubro. E xa son 18 veciños/as os que se graduaron desde que se puxera en marcha esta actividade en novembro do 2010.

A vindeira semana comeza un novo curso para a obtención do graduado en ESO.

As persoas interesadas serán inscritas no Instituto San Clemente de Santiago na modalidade de formación a distancia.

O Concello ofrecerá de novo ós veciños/as interesados/as a posibilidade de asistir a clases nocturnas para axudarlles a supera-las probas para aobtención de dita titulación.

Olveiroa: O patrimonio como recurso

Esta pasada fin de semana o xornal "La Voz de Galicia" adicaba un artigo a unha das parroquias do noso concello: "Olveiroa encuentra el buen Camino" .

Nel amósase Olveiroa como exemplo de puxanza,

de localidade renovada, froito dun proceso de restauración do patrimonio enfocado cara o turismo do Camiño de Santiago.

O Concello de Dumbría decide apostar pola ruta xacobea coa construción de dous albergues de peregrinos, un deles na parroquia de Olveiroa (inaugurado no 2001) e o outro no Conco - Dumbría (2010).

A transformación deste núcleo de 160 habitantes esperta o interese do CSIC ( Consejo Superior de Investigaciones Científicas), quen, a través do Instituto de Ciencias del Patrimonio (Incipit), acaba de publicar o traballo de investigación "En torno a las ausencias y presencias del concepto de Patrimonio. Prácticas y discursos patrimonializadores en el Camino de Santiago a Fisterra" das científicas Cristina Sánchez Carretero y Paula Ballesteros Arias.

A investigación é froito dun exhaustivo traballo de campo con numerosas entrevistas e datos e enmárcase nun traballo máis amplo que inclúe a análise sobre a incidencia da vía peregrina a través dos nosos camiños cara Fisterra, traballo que estará rematado este mesmo ano.

Velaquí algunhas fotos do Albergue de Olveiroa:

OS "ENTROIDIÑOS" VISITAN O CONCELLO

Os nenos e nenas do CEIP Santa Eulalia de Dumbría visitaron o venres a Casa do Concello.
Foron recibidos polo Sr. Alcalde, a Concelleira María Agulleiro e os técnicos do Concello.
Entre os visitantes da casa consistorial había roqueiros, cubanitos, gaiteiros, romeiros andaluces, membros dunha tribu africana, ..., que amenizaron a mañá ó son da gaita.

CONCURSO DE DISFRACES - ENTROIDO 2012

O domingo, 19 de marzo,celebrouse en Dumbría o concurso de disfraces deste Entroido 2012.
Participaron 7 comparsas e numerosos disfraces individuais.
O público, un ano máis, abarrotou a carpa situada na praza da Igrexa.
O xurado do concurso estaba composto por Jorge Mira (catedrático de electromagnetismo na Facultade de Física da USC), María Canosa (Escritora e Enxeñeira de Camiños), Santiago Garrido (xornalista do Grupo Voz) e María Lema (Concelleira de Cultura).

Os premiados foron:
Comparsas:

1º premio: "Juralibres" da Asociación As Caldeiras de Gures
2º premio: "Buxantes Calidade" de Buxantes - Dumbría
3º premio: compartido por "Astérix e Obélix nos líos olímpicos" da Asoc. de Baloncesto Costa Da Morte de Cee e a comparsa "Os Rombos" de Fisterra.

Disfraz individual:

empate entre un disfraz de cabalo sobre zancos e outro dun globo aerostático

FOTOS DA XORNADA

Aberto o prazo de matrícula para o vindeiro curso escolar no Colexio de Dumbría

Prazo de matrícula do curso 2012-2013

Recollemos a nova do CEIP de Dumbría:

Dende o día 1 de Marzo e ata o 10 de Abril estará aberto o prazo para novas matrículas para cursar estudos no centro no curso 2012/2013.

A documentación que se deberá aportar é a seguinte:

Instancia de solicitude, debidamente cumprimentada (facilítase no colexio)
Fotocopia do DNI do pai e da nai
Fotocopia do Libro de Familia (páxinas correspondentes aos pais e ao alumno ou alumna a matricular)
Fotocopia da cartilla de vacinación
Fotocopia da tarxeta sanitaria
Certificado de empadroamento (solicitar no concello)

Neoplasticismo: xeometría, pureza e cor

Estamos a ver estes días nos informativos de todas as cadeas de televisión, tanto autonómica como nacionais, o novo cemiterio de Dumbría.

Foto: La Voz de Galicia

Dende fai tempo o concello aposta pola vangarda nas súas creacións arquitectónicas, dende un mirador de paxaros no embalse da fervenza á Casa de Cultura de Olveira ou a Oficina de Información turística que simula un catalexo para ollar as postas de Sol cara o Faro Fisterra.

Pieter Cornelis Mondriaan (Amersfoort, 7 de marzo de 1872 - Nueva York, 1 de febrero de 1944), coñecido como Piet Mondrian, foi un pintor de vangarda holandés, membro do De Stijl e fundador do neoplasticismo: estilo creado polo pintor e célebre polos cadros plagados de líneas cruzadas horizontais e verticais, con vivas cores en cada franxa.

Así son os nichos do noso cemiterio: cada un dunha cor, rodeado por outros de tonalidades distintas.

A arquitecta desta "obra de arte", Rosana Pichel Pichel, asegura que se inspirou neste pintor holandés e no seu estilo.

Neoplasticismo: xeometría, pureza e cor

Obra de Piet Mondrian

ANIMACIÓN Á LECTURA

Actividades de animación á lectura nas Casas Culturais durante os meses de marzo, abril e maio.

cartel animación á lectura

MARZO: SEMANA DA POESÍA

Do 26 ó 30 de maio: Taller de poesía

ABRIL: MES DO LIBRO

Do 23 ó 27 de abril: Taller de elaboración de marcapáxinas

Troco de libros para adultos e nenos

Visitas guiadas ás bibliotecas para os colexios

MAIO: LETRAS GALEGAS

Do 14 ó 18 de maio: taller literario

19 de maio: Celebración Infantil das Letras Galegas nas instalacións do Conco, con merenda e música tradicional. Haberá servizo de autobuses. Informarémosvos máis adiante.

HORARIOS DAS ACTIVIDADES NAS CASAS CULTURAIS:

ÁS 17.00 HORAS

LUNS: Dumbría e Salgueiros

MARTES: Ézaro

MÉRCORES: Berdeogas

XOVES: Buxantes

VENRES: Olveira

Programa de formación para moz@s menores de 30 anos

Trátase do Programa de Cualificación e recualificación de mozos menores de trinta anos do Ministerio de Traballo. Os requisitos son os seguintes: Alumnos Menores de 30 anos Inscritos como demandantes de emprego Estas accións formativas inclúen a realización obrigatoria de Prácticas Profesionais Non Laborais en empresas Dentro do programa tedes cursos presenciais, de teleformación (a través de Internet) e de modalidade mixta. Dito programa inclúe unha amplia oferta formativa orientada a mozos e mozas menores de 30 anos que necesiten formarse. Os cursos contan con prácticas en empresas punteiras da nosa comunidade. As accións formativas son totalmente gratuitas e o alumnado en certos supostos pode optar a unha axuda para dietas. Tedes toda a información dos cursos premendo no seguinte enlace: http://www.cursosfemxa.es/cursos-jovenes-desempleados-menores-30/

Ana María Castro Antonio Técnica de Soluciones Formativas Integrales Soluciones Formativas Integrales aantonio@femxa.com	http://www.grupofemxa.com/ http://www.cursosfemxa.com/ T. 900 100 957 F. 986 494 120