A Fervenza do Ezaro en directo

Podes ver a Fervenza do Ézaro en directo as 24 horas do día en:

Pegadas de Castelao, de Migallas Teatro, en Dumbría

Chega ao Conco Pegadas de Castelao, de Migallas Teatro
Xoves 24 xullo
11:00 h
Instalacións do Conco. Salón de actos do albergue
·
Unha actuación promovida pola Área de Lingua da Deputación da Coruña
·
“Pegadas de Castelao” é un espectáculo dirixido a todos os públicos a partir de 6 anos que ten como obxectivo a difusión da figura e da obra de Castelao en todas as súas facetas: escritor, político, artista, promotor cultural etc. dunha forma amena e divertida.

Combínanse diferentes técnicas dramáticas: monicreques de silueta, de luva e cabezudos inspirados nos debuxos e relatos de Castelao, teatro de actor, pantomima, cantar de cego etc., todo acompañado por música en directo e cantigas populares vinculadas á súa vida e obra.

“Pegadas de Castelao” tenta amosar as profundas pegadas que deixou Castelao na historia e na cultura de Galicia así como avivar o interese por afondar no coñecemento da súa vida, da súa obra e do seu pensamento.
·
#Dumbría #DumbríaéCultura #Castelao #linguagalega #galego #lingua #cultura #teatro #patrimonio #historia #Galicia

Afiador: un espectáculo do Mago Teto, en Olveiroa, Dumbría

 O sábado 26 chega a Olveiroa a maxia dun afiador que, facendo o Camiño, non podía pasar sen parar neste emblemático lugar.

O Mago Teto, un dos mellores magos do noso país, tráenos un novo espectáculo que fará as delicias de grandes e pequenos.

Non o perdas!
•

 O Afiador. Mago Teto
 Olveiroa. Praza do Cruceiro
 Sábado 26 xullo, ás 20:00 h
 
 
Actuación programada a través de Cultura no Camiño 2025. Agadic
 
#Dumbría #DumbríaéCultura #CulturanoCamiño #DumbríaéCamiño #CamiñoFisterraMuxía

APERTURA DA PISCINA MUNICIPAL DE DUMBRÍA

 
A piscina municipal do Conco estará aberta ao baño libre de luns a sábado, de 16 a 20 h a partir do 1 de xullo

#Dumbría #piscina

𝑬𝒔𝒑𝒆𝒕𝒆𝒊𝒓𝒂𝒔 𝒄𝒐𝒎𝒖𝒏𝒂𝒊𝒔 𝒏𝒂 𝒂𝒓𝒆𝒂: 𝒕𝒆𝒎𝒑𝒐𝒔 𝒑𝒂𝒓𝒂 𝒄𝒐𝒎𝒑𝒂𝒓𝒕𝒊𝒓 na Praia do Ézaro, en Dumbría

 
Nos meses de verán  podes atopar en cinco praias da Costa da Morte as espeteiras comunais, unha iniciativa da cooperativa cultural 𝐀𝐳𝐮𝐥 𝐦𝐚𝐢𝐬 𝐕𝐞𝐫𝐝𝐞, en colaboración coa 𝐀𝐬𝐨𝐜𝐢𝐚𝐜𝐢𝐨́𝐧 𝐀𝐒𝐏𝐀𝐃𝐄𝐗.

Unha delas, na  Praia do Ézaro

A 𝐞𝐬𝐩𝐞𝐭𝐞𝐢𝐫𝐚, moble típico das cociñas do rural, reimaxinouse e adaptouse para convertela nun 𝐞𝐬𝐩𝐚𝐳𝐨 𝐝𝐨 𝐪𝐮𝐞 𝐩𝐞𝐧𝐝𝐮𝐫𝐚𝐫 𝐨𝐛𝐱𝐞𝐜𝐭𝐨𝐬 𝐝𝐞 𝐱𝐨𝐠𝐨 𝐩𝐚𝐫𝐚 𝐨 𝐮𝐬𝐨 𝐜𝐨𝐥𝐞𝐜𝐭𝐢𝐯𝐨 𝐧𝐚𝐬 𝐩𝐫𝐚𝐢𝐚𝐬. Todos eles están inspirados en ferramentas ou obxectos tradicionais galegos.

𝐎𝐥𝐥𝐨
𝐄𝐬𝐭𝐞𝐬 𝐮𝐭𝐞𝐧𝐬𝐢𝐥𝐢𝐨𝐬 𝐬𝐨𝐧 𝐝𝐞 𝐮𝐬𝐨 𝐜𝐨𝐦𝐮𝐧𝐚𝐥, 𝐩𝐨𝐥𝐨 𝐪𝐮𝐞 𝐬𝐨𝐧 𝐝𝐞 𝐭𝐨𝐝𝐚𝐬 𝐞 𝐝𝐞 𝐧𝐢𝐧𝐠𝐮𝐞́𝐧. 𝐀𝐨 𝐫𝐞𝐦𝐚𝐭𝐚𝐫 𝐝𝐞 𝐱𝐨𝐠𝐚𝐫, 𝐥𝐞𝐦𝐛𝐫𝐚 𝐝𝐞𝐢𝐱𝐚𝐥𝐨𝐬 𝐝𝐞 𝐧𝐨𝐯𝐨 𝐧𝐚 𝐞𝐬𝐩𝐞𝐭𝐞𝐢𝐫𝐚.
𝐔𝐬𝐚, 𝐜𝐨𝐢𝐝𝐚 𝐞 𝐝𝐞𝐯𝐨𝐥𝐯𝐞: 𝐞𝐬𝐞 𝐞́ 𝐨 𝐭𝐫𝐚𝐭𝐨

As espeteiras foron deseñadas por Frank Buschmann, ebanista e integrante de Azul mais Verde xunto con María Bella, e elaboradas en colaboración con dezaoito integrantes de ASPADEX.
O proxecto resultou premiado no I Certame do Fondo de apoio a proxectos singulares para a mellora social 2025 da Deputación da Coruña.

 Antonio Nodar

#Dumbría #Ézaro #xogo #praia #compartir
 

Galería de imaxes

Campaña de trampeo da velutina no Concello de Dumbría

Neste 2025 o número de raíñas de vespa velutina capturadas no noso concello duplicou as do ano pasado, acadando preto dos 12.000 exemplares.

Ás 250 trampas entregadas á veciñanza e mais as 50 colocadas polo propio concello o ano pasado, sumáronselle este ano outras tantas, acadando máis de medio milleiro delas repartidas polo territorio municipal.

Esta é unha loita na que todas e todos debemos colaborar para así protexer o noso medio e a nosa propia seguridade.

Lembra que, se detectas algún niño de velutinas, debes contactar coa Xunta a través do 012 ou da web www.xunta.gal/servizo-do-012

Curso de Manipulador de Productos Fitosanitarios

Formación
𝐌𝐚𝐧𝐢𝐩𝐮𝐥𝐚𝐝𝐨𝐫 𝐝𝐞 𝐏𝐫𝐨𝐝𝐮𝐭𝐨𝐬 𝐅𝐢𝐭𝐨𝐬𝐚𝐧𝐢𝐭𝐚𝐫𝐢𝐨𝐬 (Nivel básico. 25 horas)

Datas de celebración: 21, 22, 23, 24 e 28 de xullo
Horario: de 15:00 a 20:00 horas
Lugar de celebración: Dumbría
Prezo: 80 € (desconto de 20 € para afiliadas/os a Unións Agrarias-UPA)
·
Máximo 30 alumnas/os
O alumnado participante nesta formación será examinado pola Xunta de Galicia
··
Solicitudes ata o 11 de xullo e PRAZAS LIMITADAS (máx. 30 alumnas/os)
https://forms.gle/UH1f3m3wAeMzqn4NA
#Dumbría #DumbríaéRural #DumbríaParaTi #agro #fitosanitarios #formación #curso
Axencia Galega de Calidade Alimentaria. Xunta de Galicia. Unións Agragrias-UPA

Casas do Maior no Concello de Dumbría

Dumbría conta con dúas casas do Maior, unha en Ponte Olveira e outra no edificio da Bitácora no Ézaro.

As casas do maior son un servizo gratuíto de atención diúrna a persoas maiores de 60 anos, cun máximo de cinco prazas cada unha para asegurar un coidado personalizado.

O servizo é prestado por profesionais autónomos ou cooperativas de traballo asociado, e localízanse en concellos que non contan con recursos de atención diúrna a maiores.

Qué é a Casa do Maior?
Un servizo gratuito de atención diurna a persoas maiores de 60 anos. Está financiado pola Xunta de Galicia. Cada casa ten un máximo de cinco plazas cada unha.
Quen pode asistir?
Persoas maiores de 60 anos, sen dependencia ou en grao 1, empadroadas no concello onde se sitúa a casa ou concellos limítrofes pero que non teñan recursos de centros de día.
Canto tempo se pode pasar nela?

Oito horas ao día de luns a venres, durante o día, con horario flexible. Permanecerá aberta todo o ano, excepto os días festivos e un mes de vacacións

Servizos que prestan
- Actividades de envellecemento activo
- Entrenamento cognitivo
-Hixiene persoal
- Outras actividades personalizadas
-Transporte gratuito
- Comida: pago de 7 euros ao día por persoa