VERÁN 2015: actividades Conco + Festa fin de curso

O verán está a piques de chegar e con el as actividades programadas nas instalacións municipais do Conco.
A piscina municipal abrirá as súas portas cos horarios de costume para o baño libre (de luns a sábado, de 15:30 h a 19:30 h)

En xullo comezan os cursos de natación (iniciación e perfeccionamento) para adultos (polas tardes).

Polas mañás realizaranse actividades para os nenos e nenas:

Cursos de natación
Obradoiros de manualidades, cociña, reciclaxe, experimentos,...
Xogos e dinámicas para o tempo libre
Xogos populares e de mesa
Actividades deportivas
Contacontos
Servizo de Bibliopiscina e acceso a internet

Diversión, entretemento, xogo, aprendizaxe, exercicio físico, intercambio de experiencias, convivencia, interacción dos rapaces das diferentes parroquias, ....
Todo isto, e máis, atoparédelo este verán nas mañás estivais do Conco.

O concello porá un servizo de transporte gratuíto para trasladar ós participantes desde as parroquias ata Dumbría.

Xa podedes inscribirvos nas casas culturais ou nas oficinas municipais, Teléf.: 981 744 001, ata o 26 de xuño. No caso dos menores que desexen participar nestas actividades estivais, hase de entregar unha solicitude en calquera das instalacións municipais.

E, para ir abrindo boca, e como remate deste curso, celebraremos unha
festa infantil na praia do Ézaro.
Será o venres, 26 de xuño.

Todos os nenos e nenas que queiran participar deben cubrir unha autorización e entregala nas casas culturais ou nas oficinas municipais antes do 19 de xuño.

DESCARGA DE DOCUMENTOS:
1 solicitude de inscrición nas actividades do verán (xullo e agosto).
2 autorización para a festa fin de curso (26 de xuño)

23 de xuño: noite de maxia

A noite máis máxica do ano estase achegando. Unha noite especial, chea de maxia: a noite das meigas, porque "habelas, hainas".

En #Dumbría haberá festa e cachelas en tódolos lugares para conmemorar
o San Xoán, con festas en Berdeogas e Olveira e tamén a larada do Ézaro

Neste día do solsticio de verán, a noite máis curta no Hemisferio Norte, encéndense grandes cacharelas sobre as cales a xente salta para purificarse, e nas que cada un "queima " todo o negativo que quere apartar da súa vida.
Son moitos os rituais que se poden levar a cabo nesta noite meiga e para aqueles que queren quedarse cun recordo do vivido e que queiran inmortalizar o momento, e tratándose dunha das noites máis fotoxénicas do ano, deixámosvos algúns consellos para fotografar as cacharelas da man dos expertos Naturpixel.com:

1. Decide o lugar: baralla as túas posibilidades e escolle cal encaixará mellor na túa reportaxe fotográfica.

2. Planifícate: Pensa que forma lle queres dar á túa serie de fotos, como queres contalo a través de imaxes.

3. Vai con antelación. Non esperes ata que chegue a noite. Vai con tempo para coñecer o terreo, coller sitio e fotografar a evolución da festa. Tal vez encontres bos motivos fotográficos antes de que acendan o lume que che axudarán a contar mellor a túa historia, á vez que terás máis material para que a túa reportaxe fotográfica sexa máis completa.

4. Non te obsesións co flash. En fotos concretas pódelle dar un toque, mesmo podes usalo para facer fotos creativas coa cortina traseira, pero non esquezas que o suxeito principal da noite é o lume, e deixa que sexa o que ilumine a escena. Sube un pouco o ISO se fai falta, aprende a facer fotos escuras, e busca eses pequenos espazos iluminados con esa pouquiña luz cálida. Tamén podes subexpoñer un pouco, para que o lume colla ese toque alaranxado-avermellado en lugar de quedar branco.

5. Busca siluetas. É o que máis doado vas atopaar cando a xente estea a rodear o lume. De tódolos xeitos, procura estar atento en momentos decisivos e non fotografar siluetas porque si. Primeiro observa, despois decide e finalmente dispara.

6. Busca diferentes encadres. Fai fotos xerais, despois busca detalles, cámbiate de lugar, mestúrate coa xente... fai que as túas fotos sexan o máis variadas posibles, mira coa mentalidade de coleccionar instantes coa túa cámara para logralo.

7. Arríscate. Confía na túa creatividade, observa moito, e finalmente seguro que encontras puntos de vista que só se che ocorreu a ti. Así é como conseguirás que as túas fotos sexan especiais.

E ...cales son os teus trucos para sacar unhas fotos

inesquecibles nas cacharelas de San Xoán? #SanJuan2015

Podedes subir as vosas fotos ás nosas redes

Punto de Atención al peregrino en Dumbría: Camino de Santiago a Finisterre y Muxía

Dende a catedral de Compostela, que paradoxa, o peregrino non retorna á casa, senón que prosegue a súa marcha cara o Atlántico coa intención de completar a súa viaxe e atopar as últimas respostas.

O Camiño de Santiago entra en terras dumbriesas procedente de Negreira, en concreto faino cruzando a magnífica ponte de Ponte Olveira (S. XVII e S. XVIII) escenario de batallas Napoleónicas. No seu máxico e místico traxecto, o Camiño de Santiago cara Fisterra-Muxía atravesa o corazón das impresionantes terras de Dumbría, que está vinculada a esta ruta xacobea dende a súa orixe, constituíndo así un lugar relevante que contaba cun hospital de peregrinos na aldea de Hospital.

Na actualidade, dita aldea conta cun Centro De Información ao Peregrino, onde cada día son moitos os camiñantes que se achegan para recibir unha atención detallada do traxecto a seguir antes de chegar ao seu destino final, ou ben Fisterra ou ben Muxía.

O centro está aberto de Martes a Sábado de 07:30 a 14:30

Facendo reconto dos visitantes no que levamos deste mes de Xuño, quedamos abraiados coa cifra, preto de 1000 peregrinos, procedentes tanto da Península Ibérica, como do resto de Europa (sobresaíndo Alemaña, seguido de Italia e Francia) e do mundo, fixeron o camiño de Fisterra-Muxía. Unha cifra sen dúbida espectacular.

A modo anecdótico, destacar a visita esta semana dunha parella francesa que levaban recorridos nada máis e nada menos que 2.200 km, enlazando diferentes itinerarios seguindo camiño cara Fisterra-Muxía; e levando consigo unha credencial duns 4 metros de lonxitude.

En definitiva, unha experiencia que cada día vai gañando máis adeptos.

From the Cathedral of Compostela, what a paradox, the pilgrim does not return to house, but he continues his way towards the Atlantic with the intention of completing his journey and of finding the last answers.
The Path of Santiago enters these lands proceeding of Negreira, specifically it does it crossing the magnificent bridge of Ponte Olveira (S. XVII and S. XVIII) scenario of Napoleonic battles. In its magic and mystical distance, the Path of Santiago towards Fisterra – Muxía crosses the heart of the impressive land of Dumbría, which is linked to the Path of Santiago from its origin, constituting this way a relevant place that had a hospital of pilgrims in the village of Hospital.
At present, the above mentioned village possesses a Center of Information to the Pilgrim, where every day there are many wayfarers who approach to receive a detailed attention of the journey to continuing before coming to their final destination, either Fisterra or Muxía.
The Center is opened from Tuesday to Saturday of 07:30 to 14:30.
In this June, near 1.000 pilgrims did the way of Fisterra – Muxía. These pilgrims were proceeding both from the Iberian Peninsula and of the rest of Europe (emphasizing Germany, followed by Italy and France). It is, undoubtedly, a spectacular quantity.
As anecdote, to emphasize the visit of a French couple who was taking 2.200 km connecting different itineraries, following way towards Fisterra – Muxía.

All in all, an experience that every day keeps gaining more pilgrims.

#DUMBRIAÉCAMIÑO
http://dumbriaecultura.blogspot.com

ILUMINACIÓN DA FERVENZA DO ÉZARO. Verán 2015

15ª FESTA DA FAMILIA DE DUMBRÍA

Domingo, 19 de xullo.

Devesa da Lúa
Carballeira de Berdeogas.

Coma cada ano, desde o Concello, animámosvos a todos os veciños e veciñas a acudir a esta cita.

"Estimadas veciñas e veciños:

O vindeiro 19 de xullo, na Carballeira de Berdeogas, volveremos xuntarnos todos os veciños e amigos de Dumbría na gran FESTA DA FAMILIA, a nosa festa máis entrañable, onde cada uno celebramos con ilusión a oportunidade de estar todos xuntos, divertirnos e compartir.

Cada ano que pasa esta xuntanza faise máis popular e xa é unha festa emblemática do noso concello, que nos representa como pobo, como xente acolledora, aberta e que sabe pasalo ben, así que non podemos faltar.
Como sempre, espérovos na festa, e traede a todos aqueles con ganas de divertirse, xantar e gozar da música e da natureza.

Un saúdo e boa festa.

José M. Pequeño Castro

Alcalde de Dumbría"

PROGRAMA:

Lembrade que xa podedes reservar mesa e mercar os tickets nas oficinas municipais.antes do 17 de xullo!

Dumbría é festa!

XXX FESTA DA PRAIA DO ÉZARO

A primeira fin de semana de agosto terá lugar no Ézaro a trixésima edición da Festa da Praia.

Desde o venres 31 de xullo ata o domingo 2 de agosto haberá unha continua actividade no areal do Ézaro.

O Concello de Dumbría convídavos a vir gozar dunhas xornadas nas que a música, o fútbol-praia, o volei, os xogos populares e a sardiñada popular serán os protagonistas.

Os interesados en participar nas actividades deportivas teñen ata o luns 27 de xullo para inscibirse.

+Info e inscricións: Casa Cultural do Ézaro. Teléf.: 981 712 605 (De luns a venres, de 10 a 14 horas).

descargar cartel

APP del Ayuntamiento de Dumbría

AYUNTAMIENTO DE DUMBRÍA- APP

Desde la palma de tu mano, a un sólo click, puedes conocer los principales puntos de interés de Dumbría: patrimonio, espacios naturales, dónde comer, dónde dormir, rutas, naturaleza, etc..

El ayuntamiento de Dumbría dispone de una aplicación móvil (App) para que puedas descargar la información de interés turístico en tu móvil, accesible, de fácil consulta y gratuita.

Si tienes un dispositivo IOS

iOS: https://itunes.apple.com/us/app/ayuntamiento-de-dumbria/id998321613?l=es&ls=1&mt=8

Si tienes un dispositivo Android

Android: https://play.google.com/store/apps/details?id=com.evelb.dumbria2

Segundo Concurso Cabalar de Dumbría

A Asociación de Criadores de Caballos Españoles de Galicia (ACCEGA) está preparando a segunda edición do Concurso Cabalar de Dumbría ( A Coruña) na Costa da Morte e vén consolidar en actividades deportivas e culturais entorno ó mundo do cabalo, nun concello que apoia este deporte en Galicia.

O Concurso Cabalar tamén é ocio e festa, o disfrute non entende de idades, desde os máis novos até os nosos maiores poderán disfrutar de todas as actividades programadas e tamén da nosa gastronomía, xa que haberá pulpeiras.

Será unha xornada de deporte, ocio, cultura e turismo nun entorno natural e queremos que sexa unha xornada de lecer para os amantes do marabilloso mundo do cabalo.

Tamén habrrá música para amenizar a xornada e moitos premios para os participantes.

ACTIVIDADES:

Concurso Morfolóxico de Pura Raza Española (PRE), Pura Raza Árabe (PRA), Raza Galega e Razas Cruzadas
Premios en metálico, trofeo e diploma ós tres primeiros de cada sección.
As probas darán comezo no Recinto da Carballeira de Berdeogas ( Dumbría) a partir das 10 da mañá do 23 de agosto.
Haberá premios de recoñecemento especial nas razas puras aos mellores exemplares nacidos en Galicia e ós mellores movementos de cada sección.
Bautismo Ecuestre para nenos.
Grupos Folclóricos
II Campeonato Galego de Enganches

REGULAMENTO:

Rexeranse os cocnursos polo Regulamento Territorial de Concursos ACCEGA.

A Clasificación por parte dos Xuíces será inapelable.

A vestimenta de monta, traxe curto ou doma, será obrigatorio.

Os premios entregaranse ó final.

As inscricións poderanse facer nos números 619452169 //609087368 ou no stand de Secretaría.

Más información e inscrición en 619452169 //609087368

II Xornadas de Teatro "Dumbría a Escena"

Do 22 de agosto ó 11 de setembro en OLVEIRA ábrese o telón do gran espectáculo da Costa da Morte; as II Xornadas de Teatro “Dumbría a escena”, con monólogos, funcións infantís (os sábados pola mañá) e o mellor teatro.

Ven gozar cos máis grandes: Federico Pérez, Talía Teatro, Chévere, Abracadabra, O Aturuxo de Melpómene, Axóuxere Teatro, Monicreques de Kukas, a Escola Municipal de Teatro de Muxía ..., artistas que te farán vivir o máxico mundo da farándula.

OLLO!

O aforo é limitado.
Entrada gratuíta.

A función do venres, 11 de setembro será no Edificio Bitácora (O Ézaro)

PROGRAMACIÓN:

Sábado, 22 de agosto:

12:00 h.: Valentino Rufini e Âkil Pillabán de viaxe a Milán (e van sen un can). TALÍA TEATRO. Infantil.
21:30 h.: Ración de Breogán. FEDERICO PÉREZ. Monólogo.

Domingo, 23 de agosto:
21:30 h.: A rúa do inferno. AXÓUXERE TEATRO. +12 anos.

Sábado, 29 de agosto:

12:00 h.: Xan Perillán e a maleta máxica. (Actuación + Obradoiro). MONICREQUES DE KUKAS. Infantil
21:30 h.: As Fillas Bravas. CHÉVERE. +12 anos.

Domingo, 30 de agosto:
21:30 h.: O velorio de Antón Carballo. ESCOLA MUNICIPAL DE TEATRO DE MUXÍA. +12 anos.

Sábado, 5 de setembro:

12:00 h.:Rosa Caramelo. TALÍA TEATRO. Infantil.
21:30 h.: Memorias dun neno labrego. ABRAPALABRA. Monólogo.

Domingo, 6 de setembro:

21:30 h.: Cipriano de Bequelar. ATURUXO DE MELPÓMENE - CARRACHANACACHA. +12 anos.

Venres, 11 de setembro:

21:30 h.: O Método Grönholm. TALÍA TEATRO. +12 anos. (Edificio Bitácora no ÉZARO)

Se es un amante do teatro, ven a OLVEIRA!

Dumbría co teatro.

Actividades culturais e deportivas do Concello de Dumbría

Xa está aberto o prazo de incrición para as actividades deportivas e culturais do vindeiro curso. Tedes ata o 20 de outubro para anotarvos tanto nas casas de cultura coma chamando ó Concello no número 981 744 001 en horario de mañá.

No departamento de Cultura ofrécense as seguintes actividades 2015/2016

Nenos

Informática

Inglés

Clases de apoio

Escola de Teatro

Pandeireta e baile rexional

Clases de gaita

#DumbriaSpeaks

Adultos

Informática
Manualidades
Escola de Teatro
Clases de gaita
Cursos de técnicas de busca de emprego
Clases de apoio para a obtención do Graduado en ESO.
Clases de gaita
#DumbriaSpeaks

No departamento de Deportes ofrécense as seguintes actividades 2013/2014

Escola de fútbol
Club Municipal de Piragüismo
Escola Municipal de Voleibol
Escola Municipal de Ciclismo
Escola Municipal de Ximnasia de Mantemento (+ de 14 anos)
Ximnasios municipais de Olveira e do Conco

Anotádevos canto antes!!