CINE NA RÚA
XVI FESTA DA FAMILIA
Domingo, 31de xullo.
Devesa da Lúa
Carballeira de Berdeogas.
Coma cada ano, desde o Concello, animámosvos a todos os veciños e veciñas a acudir a esta cita.
"Estimadas veciñas e veciños:
O vindeiro 31 de xullo, na Carballeira de Berdeogas, volveremos xuntarnos todos os veciños e amigos de Dumbría na gran FESTA DA FAMILIA.
Quero convidarvos a todos a participar e a desfrutar da nosa entrañable festa. Unha festa na que cada ano somos máis os que acudimos a divertirnos; e na que todos xuntos, nenos, mozos e maiores compartiremos o gran espírito desta fermosa xuntanza.
Tódolos anos amigos de Dumbría, que veñen de fóra do noso concello, anímanse a compartir con nós este día. Para os novos que desexen acompañarnos, estaremos cos brazos abertos para acollelos na nosa gran familia que é Dumbría, un lugar cheo de natureza e xente con ganas de futuro.
Un saúdo e boa festa.
José M. Pequeño Castro
Alcalde de Dumbría"
PROGRAMA:
Dumbría é festa!
Comparte fotos e videos de Dumbría coa etiqueta #DumbríaÉ
BASES DE CONCURSO FOTOGRÁFICO #DUMBRÍAÉ DE DINAMIZACIÓN DAS REDES SOCIAIS, EN DUMBRÍA
Organización:
O titular deste concurso é o Concello de Dumbría. A finalidade de dito concurso é a promoción do Concello de Dumbría, a través das distintas redes sociais: Instagram, Facebook e Twitter. Carece de valor contractual e poderán participar todas as persoas físicas que cumplan as condicións establecidas nestas bases.
BASES DO CONCURSO:
1. No concurso poden participar aqueles usuarios que promocionen e difundan o concello, realizando fotografías e vídeos representativas de Dumbría con calquera temática (patrimonio, natureza, festas, tradicións, deporte,persoas etc.) no propio concello ou fóra del e o suban ás redes sociais do concurso coa etiqueta #DumbríaÉ.
2. As datas programadas de participación son dende o 29 de xullo ó 31 de agosto do 2016.
3. Só as fotografías que cumplan coa temática do concurso e cos requisitos especificados nestas poderán ser seleccionadas.
4. A participación no concurso é gratica e non require de inscripción ningunha, quedando supeditada a que o participante siga a mecánica de participación establecida nas distintas redes sociais: Instagram, Facebook e Twitter.
5. O concurso é valido para todas as fotografías realizadas e subidas entre o 29 de xullo e o 31 de agosto (ambos incluidos) a Instagram, Facebook e Twitter co hastag #DumbríaE. Non se aceptarán fotografías realizadas fora desas datas.
6. A organización resérvase o dereito a denunciar ou pedir a eliminación da fotografía, se algunha imaxe vulnera dereitos persoais, resulta ofensiva ou discriminatoria.
7. Para que unha fotografía entre en concurso debe ser etiquetada co hashtag #DumbríaÉ e compartila publicamente en Instagram, Facebook ou Twitter. As fotos que non foran etiquetadas polo seu autor con ese hashtag non participarán no concurso.
8. Cada participante pode subir tantas fotos como queira, dentro das datas do concurso.
9. O criterio para a elección do gañador será mediante a páxina de https://www.sortea2.com/sorteos
10. Os concursantes ceden os dereitos de imaxe das suas fotografías para que o Concello de Dumbría poda usar dito material para promoción en calquera canle ou medio de comunicación. O premio ao que optan os participantes é de 5 lotes promocionais do Concello de Dumbría formados por productos promocionais do concello.
11. A Organización poñerase en contacto co gañador a través das distintas redes sociais ou polas vías o seu alcance que considere oportunas, para informar do gañador.
12. A participación na presente promoción supón a aceptación íntegra das presentes bases.
PROTECCIÓN DE DATOS DE CARÁCTER PERSOAL
Os participantes aceptan, mediante a súa participación no presente concurso, que os contidos e comentarios que vaian ser publicados nas redes sociais ou outros medios podan ser compartidos nos medios que a Organización estime oportuno. A participación nun concurso desta natureza supón a aceptación das normas das redes sociais nas que se difunde.
Non é necesario o rexistro previo mediante inscripción algunha. O Concello de Dumbría non recollerá ningún dato para a inscripción, xa que a participación é pública. Únicamente será necesaria a recollida de datos persoais do gañador, para entrega do premio.
RESPONSABILIDADES
A organización resérvase o dereito de anular calquera participación ou a calquera participante, se ten sospeitas dunha manipulación incorrecta dos datos ou do concurso.
A organización resérvase o dereito de rexeitar ou excluir da participación no concurso e en xeral da promoción de calquera participante que non reúna os requisitos descritos nas presentes bases e términos de participación ou contraleve as normas ou finalidade do concurso.
A organización queda eximida de calquera responsabilidade no suposto caso de existir algún erro nos datos facilitados polos propios agraciados que impedira a súa identificación.
Igualmente, a organización exclue toda a responsabilidade polos daños ou perxuicios de calquera natureza que puideran deberse ó uso indebido, manipulación ou mutilación que usuarios ou terceiros non autorizados poideran realizar respecto do contido xeral da presente páxina, así como da vulneración dos dereitos de propiedade intelectual que se produciran, por falta de cumplimentos das exigencias establecidas.
Presentación do novo libro de Jorge Mira e observación astronómica dende o Chan das Lagoas
O venres 26 de agosto terá lugar nas instalacións do Conco (Dumbría) a presentación do novo libro de Jorge Mira, A que altura está o ceo?, do que é coautora María Canosa e ilustra Dani Padrón.
Será ás 21:00 h.Intervirán José Manuel Pequeño (alcalde de Dumbría), Jorge Mira (autor) e Santiago Garrido (xornalista).
Ao remate do acto, sobre as 22:00h., achegarémonos ó Chan das Lagoas, para observación astronómica dirixida por Jorge Mira.
O Concello porá un servizo de bus desde O Conco ata O Chan das Lagoas. PRAZAS LIMITADAS. Inscricións: Concello de Dumbría, teléf.: 981 744 001.
ACTIVIDADES 2016/2017
Xa está aberto o prazo de incrición para as actividades deportivas e culturais do vindeiro curso. Tedes ata o 1de outubro para anotarvos tanto nas casas de cultura coma chamando ó Concello no número 981 744 001 en horario de mañá.
No departamento de Cultura ofrécense as seguintes actividades 2016/2017
No departamento de Cultura ofrécense as seguintes actividades 2016/2017
Nenos
Adultos
- Informática
- Manualidades
- Escola de Teatro
- Clases de gaita
- Cursos de técnicas de busca de emprego
- Clases de apoio para a obtención do Graduado en ESO.
- Clases de gaita
- #DumbriaSpeaks
No departamento de Deportes ofrécense as seguintes actividades 2016/2017
- Escola de fútbol
- Club Municipal de Piragüismo
- Escola Municipal de Voleibol
- Escola Municipal de Ciclismo
- Escola Municipal de Ximnasia de Mantemento (+ de 14 anos)
- Ximnasios municipais de Olveira e do Conco
Anotádevos canto antes!!
Axudas ó estudo: proxecto Green Education en Dumbría
A empresa EDP RENOVÁVEIS presenta no Concello de Dumbría o proxecto Green Education no que o seu obxetivo é ofrecer BECAS para familias con poucos recursos económicos.
As becas consistirán en 500€ para rapaces de Ensinanza Infantil, Primaria e Secundaria; 1000 € para Bacharelato e Formación Profesional e 2000 € para Ensinanza Universitaria.
Deberá presentarse no concello de Dumbría ou por correo a seguinte documentación, aínda que será EDP Renováveis quen realice o proceso de selección:
- Impreso de solicitude: que se facilitará no Concello de Dumbría
- Carta do candidato/a explicando resumidamente por qué motivo solicita a beca.
- Fotocopia do Libro de Familia
- Fotocopia da matrícula para o ano 2016/2017
- Fotocopia dadeclaración da renta dos pais do ano 2015 ou documento que probe os ingresos do ano 2015.
O prazo para ter dereito á axuda remata o 30 de setembro de 2016. Podedes chamar ó concello para ter máis información.
CURSOS DE INFORMÁTICA CURSO 2016/2017
Está botando a andar un novo curso escolar, e con el os cursos de informática para adultos.
Aquí vos deixamos un cronograma coa materia que se vai abordar este ano.
Se tedes máis de 16 anos e ganas de aprender, inscribídevos nas oficinas municipais ou nas casas culturais canto antes.
Aquí vos deixamos un cronograma coa materia que se vai abordar este ano.
Se tedes máis de 16 anos e ganas de aprender, inscribídevos nas oficinas municipais ou nas casas culturais canto antes.
25 NOVEMBRO: DÍA INTERNACIONAL PARA A ELIMINACIÓN DA VIOLENCIA DE XÉNERO
O 25 de novembro, conmemórase o Día internacional contra a violencia de xénero.
Desde o concello de Dumbría queremos manifestar a nosa total repulsa e a máis enérxica das condenas ante unha das evidencias máis virulentas da discriminación por razón de xénero: a violencia contra as mulleres.
Desde o concello de Dumbría queremos manifestar a nosa total repulsa e a máis enérxica das condenas ante unha das evidencias máis virulentas da discriminación por razón de xénero: a violencia contra as mulleres.Só se toda a sociedade se implica se conseguirá eliminar este tipo de violencia, que nos nosos días segue sendo un dos maiores desafíos ós que debemos enfrontarnos.
A violencia contra as mulleres non entende de razas, culturas, etnias nin clases sociais.
TODOS E TODAS temos a responsabilidade de actuar ante a violencia.
Todos e todas temos o deber de apoiar e manter unha entorna política e social de tolerancia cero ante a violencia contra as mulleres, no que os amigos e amigas, os familiares, a veciñanza, homes e mulleres en xeral, interveñan activamente para impedir que os autores deses actos queden impunes.
Lembrámosvos que no concello temos un servizo de información á muller ó cal podedes acudir tódolos mércores de 13:00 a 15:00 h (PIM- Punto de Información á Muller)
O teléfono de atención a vítimas de malos tratos por violencia de xénero é o 016
#ContraAViolenciadeXénero #igualdade
NADAL 2016
E xa estamos de novo ás portas do Nadal!
Abrimos prazo de inscrición para a festa infantil de Nadal, que se celebrará o luns 26 de decembro.
Será nas instalacións do Conco.
Haberá servizo de autobús para recoller aos nenos/as polas parroquias.
A festa comezará sobre as 11:00 h e prevese que remate ás 17:00 h.
Pola mañá teremos xogos deportivos e obradoiros de manualidades. Despois de xantar continuaremos cun divertidísimo obradoiro de xogos de habilidade.
Para poder asistir é necesario cumprimentar unha autorización e entregala nas oficinas municipais ou nas casas culturais antes do 18 de decembro.
E, para poñerlle un pouco de música ó Nadal, o martes, 3 de xaneiro ás 17:00 h nas instalacións do Conco, poderedes asistir ó concerto Cantarolas pra xente miúda, enmarcado nas actividades do programa FalaRedes da Deputación da Coruña.
Aproveitamos para desexarvos que pasedes unhas felices Festas de Nadal ó carón dos vosos e trasladarvos os nosos mellores desexos para o ano 2017
Feliz 2017
O Concello de Dumbría deséxavos a todos e a todas unha boa saída de ano e unha mellor entrada no novo.
Saúde e sorte, amigos/as!
Feliz 2017!
