O Concello de Dumbría fai pública a posta en marcha dun curso básico de prevención de riscos laborais.

Está homologado para a construción e calquera outro sector e será impartido por técnicos da UGT.


O curso consta de 65 horas, das cales 20 serán presenciais e 45 serán on line (a través de internet).

As clases presenciais serán do 1 ao 5 de abril de 2013, das 5 ás 8 da tarde.

A preinscrición realizarase nas oficinas do concello de Dumbría ata o 28 de marzo de 2013, polo que animamos aos interesados/as a presentar a correspondente solicitude ou por telénono no 981744001

O concello de Dumbría organiza unha viaxe para visitar Valladolid, Madrid e Cuenca.

Datas:
            saída: 15 de maio pola noite (noite en ruta)
            chegada: 19 de maio

Dirixido a: veciños/as de Dumbría.

Prezo: 220 €, inclúe transporte, aloxamento e comida.

Prazas: limitadas. Por riguroso orde de inscrición.

Inscrición:
                Oficinas municipais. Tlf: 981 744 001. En horario de 08.00 a 14.00 horas.

Os rapaces e rapazas que asisten ás clases de informática das Casas Culturais andiveron estes días a pasar o tempo.

Aquí vos deixamos os resultados:



PASATEMPOS E ADIVIÑAS

         Libros, camiños e días dan ó home sabiduría 

(proverbio árabe)

O día 23 de abril celébrase cada ano o día do libro e os dereitos de autor. Elixiuse este día por coincidir coa data do pasamento dos escritores Cervantes, Shakespeare e Garcilaso de la Vega, alá polo ano 1616.

Queremos amosarvos neste día a Biblioteca e as Axencias de Lectura do Concello de Dumbría, uns espazos que nos adentran non só no mundo dos libros senón que tamén son un acceso á cultura, á información e ó saber.

Dumbría ten unha Biblioteca Municipal que está situada no Ézaro e catro Axencias de Lectura que están situadas nas Casas de Cultura de Berdeogas, Olveira e Buxantes, e nas instalacións do Conco - Dumbría. 

Os servizos que ofrecen cada unha delas son:

• Lectura en sala e sala de estudo.
• Préstamo a domicilio.
• Acceso a internet, aula de informática e impresora.
• Axuda nas buscas de información
• Ademais das actividades que nelas se ofertan regularmente (animación á lectura, apoio escolar, inglés, informática,...)

Para consultar que libros temos nas Bibliotecas, podédelo facer dende a casa, entrando no noso Blogue  (dumbriaecultura.blogspot.com) e despois pinchando na sección Bibliotecas. Unha vez dentro, accededes ó CATÁLOGO e abonda con saber o título ou o autor para buscar a  obra.
Unha vez localizada, só tedes que  achegarvos á Biblioteca e solicita-lo seu préstamo.
Se non está na biblioteca da vosa parroquia, pero si noutra do concello, facémosvolo chegar nun plis-plas. 

As bibliotecas do concello posúen máis de 20000 libros e 50 ordenadores para acceder tanto a coleccións dixitais coma a outra información de interese. No ano 2011 preto de 8000 visitas  á Biblioteca demostran a gran  importancia dun punto de acceso á información nun entorno rural coma Dumbría.

Nesta semana do libro recordarvos que podedes trocar os vosos libros no punto que encontraredes na Biblioteca "Libros libres: Troco de libros". 
Desta maneira os libros que non usedes teñen unha nova vida e serán libros para facer rir, chorar, soñar e vivir a outras persoas.

Este ano o día das Letras adícase a Roberto Vidal Bolaño, escritor e actor de teatro español  (Santiago de Compostela 1950 - Santiago de Compostela 2002). Podedes consultar algunhas das súas obras máis importantes nas nosas Bibliotecas.

Ó longo da vindeira semana os nenos e nenas de Dumbría poderán participar en actividades de animación á lectura que se desenvolverán en tódas casas culturais do concello para celebrar o día das Letras Galegas 2013.

Sesións de contacontos e diferentes manualidades entre as que se inclúen a creación dun móbil de letras para decorar as vosas habitacións: podedes crear o nome que queirades!


Aquí vos deixamos o cartel das actividades

A exposición AO CABO, do fotógrafo local JUAN LOURO non para de virar dunha sala de exposición a outra.

Ao cabo é unha exposición fotográfica itinerante que trata a situación actual da frota pesqueira da Costa da Morte, que está a percorrer distintas cidades do mundo.
Despois de pasar polo Outono Fotográfico 2012 no Museo Municipal de Ourense, ou polo Pazo de Dom Manuel, en Évora (Portugal), recalou na francesa vila de Millau, Midi-Pyrénées.

ezaroenfotos.blogspot.com

O rotativo Le Journal de Millau titulaba a nova desta exposición como: "O declive da pesca artesanal por Juan Louro Cambeiro".

Orgullosos de que os nosos veciños acaden triunfos polo mundo adiante, e, máis aínda, cando o fan dando a coñecer a nosa terra.

Podedes ver máis sobre o traballo de Juan Louro no seu blog: ezaroenfotos.blogspot.com

Parabéns Juan!

A exposición  de Begoña Corbal, Panoramicamente Falando, viaxa a unha nova casa cultural.

O venres, 31 de maio ás 19.00 horas nas instalacións do Conco (Dumbría), terá lugar unha charla informativa sobre a internet.

Esta charla pretende servir de reforzo aos alumnos/as que ao longo deste curso 2012-2013 asistiron ós cursos de informática organizados polo concello.

Quere ser unha sesión para afondar sobre a importancia da rede na sociedade actual, como canle que chega desde a nosa propia casa e a nosa vila ata o mundo enteiro.
Incidirá na importancia de manexar as novas tecnoloxías e procurará achegarnos ferramentas e contidos útiles que nos falen do que máis nos interesa: o máis próximo.

Comprobaremos que a internet, alén de ser unha porta aberta ao mundo, tamén nos permite coñecer moito mellor o que temos ao carón.

Falaremos de Quen usa a rede e que busca nela.
Amosarannos Contidos 2.0: espazos informativos, culturais e de lecer, en concreto sobre a Costa da Morte e sobre Dumbría.
Coñeceremos Ferramentas 2.0: correo, navegadores, buscadores, programas... e, moitas delas, dispoñibles en galego. 

A charla correrá a cargo de Ubaldo Cerqueiro, coordinador do diario dixital da Costa da Morte Quepasanacosta.com

Aquí vos deixamos un pequeno adianto nunha listaxe de recursos na rede.

Se tés curiosidade, se queres manterte informado, achégate ó Conco ó día 31 ás 19 horas!


AQUÍ VOS DEIXAMOS UN DOCUMENTO CON RECURSOS

 A Oficina de Información turística do Concello de Dumbría está ubicada no Ézaro, ó lado da desembocadura do Río Xallas e a pista de Pádel. 

 

Ofrece información do termo municipal de Dumbría en varios idiomas (galego, castelán, inglés e francés), dende a Cascada do Ezaro, o Centro de Interpretación de Rutas do Monte Pindo, o Museo de Eletricidade, O camiño de Santiago de Olveiroa a Fisterra ou Muxía; así como de todo o destino da Costa da Morte (aloxamentos, gastronomía, festas, rutas de interese....)



Nela podedes encontrar material informativo do entorno, guías turísticas,planos e material de exposición de artistas locais e todo aquelo que precisedes para disfrutar dunha estancia agradable en Dumbría.


Ademais do ámbito turístico, nesta oficina calquer usuario pode reservar o seu turno de Pádel sen coste algún e/ou informarse da adxudicación dun punto de amarre dos pantaláns do Ézaro.

De martes a sábados: de 10:30 a 13:30h e de 16:00 a 19:00h 

Os domingos: de 11:00 a 14:00h

O fotógrafo local Juan Louro, do Ézaro, fixo entrega ó Concello de Dumbría dunha foto pertencente  á colección itinerante  Ao Cabo (2012) como agradecemento á colaboración do Concello na posta en marcha desta colección. 

A Expoción fotográfica aborda a situación actual da frota pesqueira da Costa da Morte e está a percorrer distintas cidades do mundo. 
Arrancou a súa andaina no  Outono Fotográfico 2012, no Museo Municipal de Ourense, viaxou logo ó Pazo de Dom Manuel, en Évora(Portugal) e, máis tarde, recalou na vila francesa de Millau, Midi-Pyrénées.