A exposición de Begoña Corbal muda de Casa Cultural.

Foron moitas as actividades que levamos a cabo no noso departamento nestes dous meses.

 Baixo o lema de DUMBRÍA ROMPE A RUTINA  ofrecemos unha programación cultural variada, que tivo moi boa acollida entre tod@s vós e queremos agasallar a vosa participación  coa elaboración deste video das actividades.




  

O domingo, 10 de febreiro, terá lugar en Dumbría o concurso de disfraces deste entroido 2013, que xa está ás portas.

Gañadores do concurso de Entroido 2013 en Dumbría:
- 1º premio comparsas: empate entre A Granxa desahuciada de Lires e Buxantes Calidade co seu Rei León.
- 3º premio comparsas: Invasión Ghuracha de Lires.
- Premio disfraz individual: empate entre O Globo e Que lles dean (3 políticos).

E, por fin, comezan a chegarnos fotos e vídeos do festival de entroido do pasado día 10.
Segundo nolas vaiades pasando, ímolas colgar neste blog e tamén na páxina de Facebook do Concello de Dumbría.

Animádevos a achegarnos as vosas imaxes a calquera das casas de cultura do concello.

Premede nos seguintes enlaces para ver as que nos foron chegando.

FOTOS


VÍDEOS


Graciñas a todos/as por axudarnos a recopilar imaxes do Entroido 2013.

O Concello de Dumbría fai pública a posta en marcha dun curso básico de prevención de riscos laborais.

Está homologado para a construción e calquera outro sector e será impartido por técnicos da UGT.


O curso consta de 65 horas, das cales 20 serán presenciais e 45 serán on line (a través de internet).

As clases presenciais serán do 1 ao 5 de abril de 2013, das 5 ás 8 da tarde.

A preinscrición realizarase nas oficinas do concello de Dumbría ata o 28 de marzo de 2013, polo que animamos aos interesados/as a presentar a correspondente solicitude ou por telénono no 981744001

O concello de Dumbría organiza unha viaxe para visitar Valladolid, Madrid e Cuenca.

Datas:
            saída: 15 de maio pola noite (noite en ruta)
            chegada: 19 de maio

Dirixido a: veciños/as de Dumbría.

Prezo: 220 €, inclúe transporte, aloxamento e comida.

Prazas: limitadas. Por riguroso orde de inscrición.

Inscrición:
                Oficinas municipais. Tlf: 981 744 001. En horario de 08.00 a 14.00 horas.

Os rapaces e rapazas que asisten ás clases de informática das Casas Culturais andiveron estes días a pasar o tempo.

Aquí vos deixamos os resultados:



PASATEMPOS E ADIVIÑAS

         Libros, camiños e días dan ó home sabiduría 

(proverbio árabe)

O día 23 de abril celébrase cada ano o día do libro e os dereitos de autor. Elixiuse este día por coincidir coa data do pasamento dos escritores Cervantes, Shakespeare e Garcilaso de la Vega, alá polo ano 1616.

Queremos amosarvos neste día a Biblioteca e as Axencias de Lectura do Concello de Dumbría, uns espazos que nos adentran non só no mundo dos libros senón que tamén son un acceso á cultura, á información e ó saber.

Dumbría ten unha Biblioteca Municipal que está situada no Ézaro e catro Axencias de Lectura que están situadas nas Casas de Cultura de Berdeogas, Olveira e Buxantes, e nas instalacións do Conco - Dumbría. 

Os servizos que ofrecen cada unha delas son:

• Lectura en sala e sala de estudo.
• Préstamo a domicilio.
• Acceso a internet, aula de informática e impresora.
• Axuda nas buscas de información
• Ademais das actividades que nelas se ofertan regularmente (animación á lectura, apoio escolar, inglés, informática,...)

Para consultar que libros temos nas Bibliotecas, podédelo facer dende a casa, entrando no noso Blogue  (dumbriaecultura.blogspot.com) e despois pinchando na sección Bibliotecas. Unha vez dentro, accededes ó CATÁLOGO e abonda con saber o título ou o autor para buscar a  obra.
Unha vez localizada, só tedes que  achegarvos á Biblioteca e solicita-lo seu préstamo.
Se non está na biblioteca da vosa parroquia, pero si noutra do concello, facémosvolo chegar nun plis-plas. 

As bibliotecas do concello posúen máis de 20000 libros e 50 ordenadores para acceder tanto a coleccións dixitais coma a outra información de interese. No ano 2011 preto de 8000 visitas  á Biblioteca demostran a gran  importancia dun punto de acceso á información nun entorno rural coma Dumbría.

Nesta semana do libro recordarvos que podedes trocar os vosos libros no punto que encontraredes na Biblioteca "Libros libres: Troco de libros". 
Desta maneira os libros que non usedes teñen unha nova vida e serán libros para facer rir, chorar, soñar e vivir a outras persoas.

Este ano o día das Letras adícase a Roberto Vidal Bolaño, escritor e actor de teatro español  (Santiago de Compostela 1950 - Santiago de Compostela 2002). Podedes consultar algunhas das súas obras máis importantes nas nosas Bibliotecas.

Ó longo da vindeira semana os nenos e nenas de Dumbría poderán participar en actividades de animación á lectura que se desenvolverán en tódas casas culturais do concello para celebrar o día das Letras Galegas 2013.

Sesións de contacontos e diferentes manualidades entre as que se inclúen a creación dun móbil de letras para decorar as vosas habitacións: podedes crear o nome que queirades!


Aquí vos deixamos o cartel das actividades