O sábado, 21, tedes cita dobre nas Instalacións do Conco (Dumbría).
Ás 12.00 h. haberá un Taller de Relaxación e Risoterapia, da man de Xoán Curiel.

Este taller está dirixido a maiores de 14 anos.




Pola tarde, ás 18.00 h., os protagonistas serán os nenos e nenas de 0 a 6 anos, que poderán gozar das aventuras dun porquiño que se perde de camiño á súa granxa.

Son+D2 tráenos As viaxes de Torbeliño.



DUMBRÍA SOÑA NO NADAL!

Está chegando o Nadal, esa época do ano en que todo é máxico, as luces, as cores, días para soñar, para os desexos, para o comenzo de novos proxectos e ideas, pero tamén é unha data especial no que a familia se reúne e pasan máis tempo xuntos.

Nesta entrada queremos recopilar esas cousiñas que se poden facer nestas datas, en familia, ou só, para maiores e pequenos; todos podemos facer cousas divertidas e sinxelas coma:

1. Decorar a casa con obxectos reciclados: O que non falta en case ningunha casa é un árbore de Nadal e aquí poderás encontrar ideas para a lo menos ser o máis orixinal. 



2. Que non falten as panxoliñas e as cancións de Nadal: son moitos os autores tanto clásicos coma modernos que adican algún tema do seu repertorio a esta época do ano. Aquí vos achegamos algúns deles:

• Recopilación de villancicos para nenos 
• Música clásica de Nadal ( Gratuita-Amazon)

3. E a cociña: sexas un cociñeiro "amateur" ou un experto chef , Internet ofréceche un inmenso abano de webs e blogs de cociña dos que se poden coller ideas e poñelas na práctica de principio a fin...aquí van algúns deses recursos gratuitos:

• Pepa Cooks:  En este blog de cociña, de imaxe impecable, as recetas,explicadas con cuidado, abarcan unha gran variedade de recetas .

• Webos Fritos: Ela sinte unha gran paixón pola cociña e o seu home pola fotografía e xuntos crearon este blogue que está moi valorado na rede. Recetas sinxelas e divertidas.
• La Cocina de Lechuza:   Pilar, de Cambre, é a adestradora de esta lechuza cociñera que protagoniza a imaxe dun bloge adicado ós amantes da cociña sinxela. Como ella di, “a cociña caseira feita con amor; en cazola de barro e con culler de madeira…”. Así, paso a paso con fotografías, podemos profundizar na cociña galega, que ten un apartado único.
•  Objetivo Cupcake: Si eres dos que teme os postres á hora de cociñar, Alma quitará o medo dándoche as cantidades exactas e los pasos para que as túas magdalenas sexas os mellores cupcake do mundo

4. Actividade social e participa nas actividades da túa contorna: Este ano o Nadal no Concello de Dumbría está cheo de actividades: maxia, teatro, manualidades, visita do Paxe Real, Obradoiros adicados ó Reis Magos, festas infantis, relaxación e risoterapia, seguro que encontras unha actividade que che gusta e na que pases un anaquiño divertido.

Programa de actividades completo "Soña no Nadal"


5. Os obradoiros e talleres especiais: é o momento das manualidades e de sacar toda a creatividade que levades dentro. 
En Dumbría e co lema Soña no Nadal encontraredes Obradoiros Infantiles de Manualidades Navideñas en todos os centros culturais do concello; o Luns, 23 decembro en Berdeogas ás16.00 h.e as 18.30 h. en Salgueiros  o Venres, 27 decembro en  Olveira ás 16.00 h. e as 18.30 h en  Buxantes.Luns, 30 decembro en Dumbría ás  16.00 h. e as 18.30 h. no Ézaro.

Tamén poderedes encontrar nas nosas bibliotecas unha mostra bibliográfica adicada ó Nadal, onde podedes coller ideas para esa manualidade que tedes pendente...ou un conto para estas datas.




6. Que tal un bo libro?

Se aínda queda un anaquiño libre despois de tanta actividade podedes ler un pouquiño algún dos libros que poderedes encontrar nas Mostra Bibliográfica adicada ó Nadal...e se non encontrades o que queredes ahí vai unha lista de libros infantís e xuvenís que tratan desta época do ano dende diferentes puntos de vista.

Lembrade que mañá, 20 de decembro, remata o prazo para inscribirse na Festa Infantil de Nadal que terá lugar o xoves, 26 nas Instalacións do Conco.

Os nenos e nenas que desexen participar, deben entregar unha autorización dos titores nas Casas Culturais ou nas Oficinas Municipais.

APURADE!!

Aquí vos deixamos ós máis peques da casa os horarios dos talleres infantiles de manualidades deste Nadal.

Luns, 23 decembro:
16.00 h. Berdeogas (casa cultural)
18.30 h. Salgueiros (local social de Bustelo)

Venres, 27 decembro:
16.00 h. Olveira (casa cultural)
18.30 h. Buxantes (casa cultural)

Luns, 30 decembro:
16.00 h. Dumbría (Instalacións do Conco)
18.30 h. Ézaro (enriba da antiga unitaria)

DUMBRÍA SOÑA NO NADAL!

Os nenos e nenas das clases de Informática do Concello queren desexarvos Felices Festas e Próspero Aninovo.

Non esquezades darlle volume :)

O sábado 28, ás 19.00 horas a maxia agarda por ti na Casa Cultural de Berdeogas.

*Esta actuación substitúe á programada inicialmente co mago Cayetano LLedó, que por motivos alleos ó Concello non pode acudir á cita programada.

DUMBRÍA SOÑA NO NADAL!

O xoves, 2 de xaneiro, un Paxe Real visitará terras dumbriesas.

Deixámosvos aquí os horarios nos que os máis cativos poderedes atopalo na vosa Casa Cultural:

16.00 h. Ézaro (Casa de Pedra)

17.00 h. Buxantes

18.00 h. Olveira

19.00 h. Berdeogas

20.00 h. O Conco




Traédelle as vosas cartas e el levaraas directamente ó Palacio Real de Oriente sen demora.

DUMBRÍA SOÑA NO NADAL!

 O venres, 3 de xaneiro ás 17.00 h. nas Instalacións do Conco, estades todos e todas invitados a participar no taller Cantámosche os Reis, enmarcado no programa Nadal en Rede, da S.X. Política Lingüística.

Pablo Díaz e Olga Kirk difundirán cancións en galego propias destas festas e animarán a todos os axistentes a recuperaren a tradición de interpretar nadais, aninovos e reis polas casas de cada localidade.

Vide participar neste obradoiro de cantos de Nadal!

Sen límites de idade. Para todos os públicos.





DUMBRÍA SOÑA NO NADAL!

No mes de febreiro botará a andar de novo a
Escola Municipal de Teatro.


Na escola aprenderemos técnicas básicas de representación, expresión corporal, ... e levaremos a escena unha pequena obra, creando un grupo estable de traballo nun entorno lúdico.


Esta actividade está dirixida a nenos/as a partir dos 6 anos e tamén a adultos/as.


Aproveitade a oportunidade de pasar tardes do máis divertidas facendo teatro!


As clases serán impartidas por TALÍA TEATRO (@taliateatro)

Para participar, tedes que inscribirvos nas Casas Culturais ou nas oficinas municipais.
Teléf.: 981 744 001, antes do 27 de xaneiro.

INSCRÍBETE ATA O 24 DE XANEIRO NAS CASAS CULTURAIS OU NAS OFICINAS MUNICIPAIS. (981 744 001)


QUE É DUMBRÍA SPEAKS?

Situado no Conco, DUMRÍA SPEAKS é un espazo de comunicación, aprendizaxe e dinamización en lingua inglesa. Un espazo para falar, xogar, divertirse e escoitar música ou ver películas. Un espazo para tomar un café...de idiomas.

Para pais, para bebés, para nenos/as pequenos e maiores. Un espazo para empresas, traballadores ou persoal desempregado. Un espazo para mozos, estudantes, emprendedores ou amas de casa.

O inglés é a lingua do futuro e só aquelas persoas que poidan comunicarse de xeito fluído neste idioma terán posibilidades de éxito.

No concello de Dumbría somos conscientes diso, por iso poñemos en marcha este proxecto de inmersión lingüística en inglés; DUMBRÍA SPEAKS é un ESPAZO PARA TODOS.

QUE VAS APRENDER?

Persoal nativo en lingua inglesa que ofrece clases de speaking cunha metodoloxía propia, para falar inglés desde o primeiro día.

- Se necesitas falar o básico para comunicarte no teu negocio.

- Se queres nocións básicas para poder atender ao público neste idioma.

- Se queres introducir os teus fillos neste idioma desde pequenos e que o poidan aprender como a súa lingua propia.

- Se vas viaxar ao estranxeiro ou se tés unha entrevista de traballo.

- Se xa sabes o idioma e queres falalo con outros que tamén o saben.