Ir o contido principal

NADAL 2015

Miniatura Noticia
Aquí vos deixamos o programa de actividades para este Nadal.

Papá Noel avisounos de que na semana do 14 ao 18 de decembro visitará as Casas Culturais de Dumbría porque tén algún que outro recadiño para os nenos e nenas que asisten ós cursos de informática. 

Concertos musicais:


O martes 22 na Casa Cultural de Olveira poderedes asistir ó concerto da formación musical A Gramola Gominola. 


Farán un repaso pola historia da música moderna a través de diferentes estilos. A posta en escena está chea de colorido e momentos cómicos que gustarán a cativos e maiores







O martes 29 nas instalacións do Conco - Dumbría A Cantar con María Fumaça.
Trátase dun concerto para público infantil e familiar no que chega a Dumbría unha locomotora moi especial que percorre as nosas paisaxes espallando boa música, ilusión e alegría ó seu paso. Coa participación e dirección de Uxía.





Tamén haberá obradoiros de manualidades nos que os rapaces poderán confeccionar os seus adornos navideños. Estes obradoiros faranse en tódalas Casas Culturais nos seguintes horarios:

Luns 21 de decembro:                       Martes 22 de decembro:
  16 h: O Ézaro                                                  18.30 h: Olveira
  19 h: Buxantes                                

Mércores 23 de decembro:            Martes 29 de decembro:
  16 h: Berdeogas                                             18.30 h: O Conco - Dumbría
  16 h: Salgueiros


Ademais, para o luns, 28 de decembro, o Concello prepara unha gran festa infantil no Conco con xantar, xogos, música, obradoiros e a actuación do paiaso Popín Palomero.

Haberá servizo de autobuses polas parroquias.
Para asistir á festa infantil é preciso entregar unha autorización nas casas culturais ou nas oficinas municipais antes do 18 de decembro. Podedes descargala aquí.



Non esquezades inscribirvos!






Aproveitamos para desexarvos que pasedes unhas felices Festas de Nadal ó carón dos vosos e trasladarvos os nosos mellores desexos para o ano 2016.


Actividades de Nadal e Felicitación do Concello de Dumbría

Miniatura Noticia

#EuVivoAquí

" Eu vivo aquí, onde o Nadal chega cada ano empuxándonos
a compartir a ilusión que nos move, onde as ganas de xuntarnos
fainos vivir momentos inesquecibles.
Eu vivo onde a solidariedade nos axuda a conseguir grandes retos,
onde a confianza no futuro nos fai apostar por proxectos atrevidos"
EU VIVO EN DUMBRIA
Dumbría para ti, Dumbría para todos!

Feliz Ano e Boas Festas!!!




Deixámosvos o resumo das actividades de Nadal:
 







E coma sempre os nosos mellores desexos para estas datas!

ENTROIDO 2016

Miniatura Noticia
Coma tódolos anos, o domingo de entroido celebramos o concurso de disfraces en Dumbría.



O domingo, 7de febreiro, estará con nós Federico Pérez,  

PREMIOS:


      1º premio comparsas: 1000 €
      2º premio comparsas: 500 €
      3º premio comparsas: 300 €

1º premio de 150 € ó disfraz individual máis orixinal.
Unha axuda de 150 € para tódalas comparsas participantes que non resulten premiadas no concurso.

As comparsas deben inscribirse antes das 15.00 horas do 4 de febreiro nas oficinas municipais en horario de 8 a 15 horas.



PROGRAMACIÓN:
  • Concentración de tódolos disfrazados/as ás 17:00 horas na porta do Concello.
  • Pasarrúas ata a Praza da Igrexa 
  • Actuación das comparsas
  • Actuación de Federico Pérez
  • Todo amenizado pola Charanga DGT
  • Entrega dunha bolsa de golosinas a cada neno disfrazado.
POR OUTRA BANDA:
Lembramos a todos os interesados/as en participar na comparsa infantil/xuvenil do concello que comezamos xa coa confección dos disfraces e os ensaios. Os ensaios son os venres pola tarde no Conco. Máis información nas casas culturais.

#DUMBRÍAÉENTROIDO

OBRADOIRO DE CONFECCIÓN DE MARIONETAS

Miniatura Noticia
As tardes dos luns na casa cultural de Olveira  levarase a cabo un obradoiro infantil de confección de marionetas.

Comezo: 15 de Febreiro.

Para asistir o obradoiro é necesario inscribirse.

Podes facelo nas casas culturais ou oficinas municipais ( Teléf: 981 744 001), antes do 5 de Febreiro.


PUNTO DE INFORMACIÓN Á MULLER (PIM) de DUMBRÍA

Miniatura Noticia



No concello de Dumbría contamos con un PUNTO DE INFORMACIÓN Á MULLER (PIM). 

Este é un servizo que ofrece asesoramento xurídico e psicolóxico, ademais de información sobre os recursos e axudas existentes dirixidos a diminuír as diferenzas entre homes e mulleres (subvencións, axudas e prestacións, centros de planificación familiar, asociacións, servizos policiais, xudiciais, sanitarios, sociais e demais axentes implicados na protección ás mulleres, etc.)

Trátase dun servizo público, anónimo e gratuíto, con atención personalizada e confidencial.

Atención ao público: os mércores de 13 a 15 h. nas oficinas municipais. 

Podes chamar ó  981744001 se precisas unha cita ou máis información



8 DE MARZO. DÍA INTERNACIONAL DA MULLER.


O 8 de marzo de 1857, un grupo de obreiras téxtiles tomou a decisión de saír ás rúas de Nova York protestar polas míseras condicións nas que traballaban.
O 5 de marzo de 1908, Nova York foi de novo escenario dunha folga polémica para aqueles tempos. Un grupo de mulleres reclamaba a igualdade salarial, a disminución  da xornada laboral a 10 horas e un tempo para poder dar de mamar aos seus filos. Durante esa folga, pereceron máis de un cento de mulleres queimadas nunha fábrica de Sirtwoot Cotton, nun incendio que se atribuíu ó dono da fábrica como resposta á folga.
En 1910, durante a Segunda Conferencia Internacional de Mulleres Traballadoras celebrada en Copenhaguen, máis de cen mulleres aprobaron declarar o 8 de marzo como Día Internacional da Muller Traballadora.
Actualmente, celébrase como o Día Internacional da Muller.                                                           
  Fonte: INTEF

ENLACES DE INTERESE: 

Nacións Unidas 
Instituto da Muller
Día Internacional da Muller
O Instituto Internacional de Investigacións e Capacitación das Nacións Unidas para a Promoción da Muller 
Educar en igualdade
Mulleres en Galicia

O Teléfono da Muller é o 900 400 273 (O Teléfono da Muller é un servizo gratuíto e anónimo que funciona as 24 horas do día, desde calquera teléfono fixo ou móbil, e con cobertura para toda a Comunidade Autónoma. Responde nel un equipo multidisciplinar coordinado cos diferentes profesionais de toda Galicia).



ABERTO PRAZO DE MATRÍCULA NO CEIP SANTA EULALIA DE DUMBRÍA

Miniatura Noticia
Estás dubidando onde matricular os teus fillos e fillas para o vindeiro curso?

Quizais aínda non saibas que no CEIP Santa Eulalia de Dumbría poñen en práctica unha aprendizaxe individualizada, contan con mestres de Pedagoxía Terapéutica e Audición e Linguaxe, teñen aulas dixitais e aula de informática e desfrutan dun comedor con cociña propia. 

A ANPA organiza actividades extraescolares para todos os nenos e nenas.

E, por se isto fose pouco, poden presumir dun alto nivel de inglés.

Aquí vos deixamos unha pequenísima mostra:

 ver vídeo     
     
 ver vídeo


Educan en valores, promocionando a práctica do deporte, a música, o teatro, a arte, a cultura...

  ver vídeo

Non deixes de visitar o seu BLOG e tamén o FACEBOOK.

Seguro que te sorprenden!

Ensino público de calidade e preto de ti, con unha comunidade educativa implicada, onde mestres/as, alumnos/as e familias reman nunha mesma dirección.


Ata o 29 de marzo permanecerá aberto o prazo de matrícula no CEIP Santa Eulalia de Dumbría para o  curso académico 2016/2017.
A matrícula débese formalizar na Secretaría (de 12:30 a 13:30 h).

Hai que cubrir unha instancia ou solicitude (que podedes descargar dende a web do colexio ou ben recollela en Secretaría) e acompañala da seguinte documentación:
  • Fotocopia do DNI do pai e da nai.
  • Fotocopia das páxinas do libro de familia cos datos dos pais e do alumno/a.
  • Fotocopia do certificado do empadroamento, que deberá solicitarse no concello.
  • Fotocopia da cartilla sanitaria do alumno.
  • Fotocopia da cartilla de vacinación.  
Se aínda vos queda algunha dúbida:

+info: 881880654  - 881880655 



OBRADOIRO DE MONICREQUES

Miniatura Noticia
Xa pasou máis de un mes e aquí están  os resultados do noso obradoiro de monicreques feitos por nenos e nenas dos 5 aos 10 anos.

Para facelos vós tamén, precisades:
  • Tesoiras
  • Pegamento 
  • Cartón
  • Bolas de porexpan
  • Pranchas de goma espuma
  • Xiz pastel
  • Rotulador permanente.
  • Lapis
Logo de ter tódolos materiais só toca poñerse mans a obra, e iso foi o que fixemos. 

Comezamos debuxando o deseño da cabeza e da boca, así como os demais complementos que cada neno lle quixo engadir como por exemplo: nariz, orellas, unha galleta,..




Despois de recortar as pranchas de goma-espuma, pegamos a cabeza e a boca, ademais das orellas, dentes, ollos, pelo.. 
A medida que ían pasando os días os nosos monicreques ían collendo cada vez máis forma.





Por último, pintárono para que collese un pouco de cor. 
(Un truco que podedes empregar, unha vez rematado, para que non lle acabe marchando a cor, é rocialo por todo con laca).

A nós encantounos como quedaron porque todos os participantes puxeron moitas ganas na elaboración do seu monicreque.


Agradecemos a Lorena Romar (monitora de animación sociocultural) a súa adicación a este proxecto, tanto no deseño coma na realización desta actividade.

VIAXE AO PAÍS VASCO - maio 2016

Miniatura Noticia

Visitaremos:  Bilbao, San Sebastián, Zarautz, pobos da costa biscaíña,... e tamén Cabárceno (Parque da Natureza en Cantabria)


Datas:
  • saída:   26 de maio, pola mañá cedo
  • chegada:   29 de maio: regreso


Dirixido a: veciños/as de Dumbría

Prezo: 230 € por persoa. Inclúe viaxe, comida e aloxamento. 

Inscricións: Ata o 15 de abril
Oficinas municipais. Tlf: 981 744 001.     En horario de 08.00 a 15.00 horas.  

PRAZAS LIMITADAS, por rigorosa orde de inscrición.

Ler en electrónico: plataformas de uso gratuito.

Miniatura Noticia
collage_galiciale
Quen non precisa un bo libro para evadirse, divertirse e respirar?.
Aparte dos libros físicos, dende a Biblioteca podes ter acceso tamén aos libros dixitais. Son de balde, e non é preciso ir á biblioteca para que podas lelos. 

O mes de Abril  é o mes dos libros, e imos dedicar varias entradas do blogue a falar de este tema que tanto nos gusta. Queremos neste post presentarche as plataformas de préstamo de libros electrónicos dispoñibles para calquera persoa. 


  1. A plataforma GaliciaLe é a plataforma do libro electrónico das bibliotecas públicas galegas. GaliciaLe proporciona un servizo de préstamo temporal de obras en formato electrónico compatible con todos os dispositivos móviles e en diferentes temáticas, e respondendo a diferentes idades e intereses, facendo posible a lectura de libros electrónicos a través de internet. A plataforma ademáis ofrece dúas opcións de acceso, un acceso para os libros en galego e outro para os libros editados en  castelán
galiciale

gl_destacadosmaispres

 2. Outra opción de préstamo de libro electrónico da que dispoñedes é a chamada eBook Dicoruña, a plataforma de préstamo de libros electrónicos que a Deputación da Coruña pon en servizo, para todos os usuarios das BIBLIOTECAS MUNICIPAIS da provincia. Posibilita o préstamo temporal e gratuíto das principais novidades editoriais en formato dixital. Queres saber que tés que facer para poder descargar libros e desfrutar da mellor literatura no teu dispositivo electrónico? Pois é moi doado!
1






Para rexistrarte debes cumplir os seguintes requisitos:
  • Ser usuario rexistrado na Biblioteca.
  • Contar cun dispositivo compatible e unha conta de correo electrónico.
  • Solicitar a inscrición acudindo á biblioteca na que esteas inscrito e facilitando o teu nome e apelidos e o teu enderezo de correo electrónico.
  • Unha vez inscrito recibirás unha mensaxe de correo electrónico para establecer o teu contrasinal e, a partir dese instante, poderás gozar da totalidade dos servizos que ofrece o préstamo dixital.

  • Para ler os ebooks, soamente precisas un smartphone ou tablet dos sistemas Apple ou Android. Poderás descargar a aplicación gratuíta de lectura eBook Dicoruna e os ebooks estarán automaticamente dispoñibles na túa biblioteca, sen necesidade de transferilos.
    4
    Para tomar libros en préstamo, debes visitar a páxina http://ebook.dicoruna.es, ou  GaliciaLe, onde poderás consultar o catálogo completo de e a continuación iniciar sesión. Unha vez dentro podes procurar no catálogo por título, autor ou materia, e ao pulsar o botón “Tomar en préstamo” que aparece xunto aos ebooks que sexan do teu interese, estes quedarán automaticamente emprestados ao teu nome e estarán á túa disposición durante un total de 21 días. Se o ebook do teu interese xa está emprestado a outro lector, poderás reservalo. Cando o libro estea dispoñible para ti, recibirás unha mensaxe de correo electrónico de cun enlace para activar o préstamo.
Poderás tomar en préstamo ata un máximo de dous ebooks simultaneamente e reservar outros dous.
Tamén é posible ler os teus ebooks en préstamo directa e comodamente a través do navegador do teu ordenador persoal ou do navegador doutros dispositivos. Para iso, só é necesario iniciar sesión en http://ebook.dicoruna.es e na pestaña “Meus libros” do espazo “A miña conta” pulsar sobre o botón “Ler” que aparece xunto a cada un dos ebooks en préstamo.
5
Se o prefires, poderás descargar os ebooks ao teu ordenador persoal (PC ou Mac) e lelos nel a través da aplicación gratuíta Adobe Digital Editions e unha conta Adobe ID, ou ben transferilos a outros dispositivos compatibles con Adobe DRM (tablets, smartphones, eReaders, etc.) tamén a través da aplicación gratuíta Adobe Digital Editions e unha conta Adobe ID. Poderás acceder, descargar ou transferir os teus ebooks ata en seis dispositivos distintos usando a mesma conta Adobe ID.
Xa sabedes, aghegádevos ás nosas biblios e nos deixedes de ler, as túas lecturas electrónicas a tan só un clic!E se aínda che queda algunha dúbida, aquí tés un breve vídeo explicativo no que podes utilizar a plataforma de GaliciaLe.
[youtube=https://www.youtube.com/watch?v=62RnNGt5-QE]

Subscribirse a